11.01C Vancouver 11.01C VancouverSep 25, 2020 10:40 PM -
ਬੀ.ਸੀ. 'ਚ ਮਨੀ ਲੌਂਡ੍ਰਿੰਗ ਇਨਕੁਆਇਰੀ ਦੇ ਮੁਖੀ ਨੇ ਬੀ.ਸੀ. ਚੋਣਾਂ ਦੌਰਾਨ ਸੁਣਵਾਈਆਂ ਨੂੰ ਟਾਲ ਦਿੱਤਾ ਹੈ।
ਔਸਟਿਨ ਕੁਲਨ ਦਾ ਕਹਿਣਾ ਹੈ ਕਿ ਚੋਣਾਂ ਤੋਂ ਦੋ ਦਿਨ ਬਾਅਦ, 26 ਅਕਤੂਬਰ ਤੋਂ ਸੁਣਵਾਈਆਂ ਮੁੜ ਸ਼ੁਰੂ ਹੋਣਗੀਆਂ।
ਇੱਕ ਬਿਆਨ 'ਚ ਕੁਲਨ ਨੇ ਕਿਹਾ ਕਿ ਉਨ੍ਹਾਂ ਕਮਿਸ਼ਨ ਦੀ ਸੁਤੰਤਰਤਾ ਬਰਕਰਾਰ ਰੱਖਣ, ਅਤੇ ਇਲੈਕਟੋਰਲ ਪ੍ਰੀਕਿਰਿਆ ਦੀ ਇਮਾਨਦਾਰੀ ਦਾ ਬਚਾਅ ਕਰਨ ਲਈ ਇਹ ਫੈਸਲਾ ਲਿਆ ਹੈ।
ਇਸ ਇਨਕੁਆਇਰੀ ਦੀ ਮੁੜ ਤੋਂ ਸ਼ੁਰੂਆਤ 13 ਅਕਤੂਬਰ ਤੋਂ ਹੋਣੀ ਸੀ।
ਉਨ੍ਹਾਂ ਕਿਹਾ ਕਿ ਮੁਸ਼ਕਿਲ ਉਸ ਵੇਲੇ ਹੋ ਜਾਂਦੀ ਹੈ, ਜਦ ਸਾਰੇ ਨਹੀਂ ਪਰ ਕੁਝ ਸਬੂਤ ਚੋਣਾਂ ਦੇ ਦੌਰਾਨ ਜਨਤਕ ਕੀਤੇ ਜਾ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਾਲ ਲੋਕਾਂ ਦਾ ਕਮਿਸ਼ਨ ਦੀ ਸੁਤੰਤਰਤਾ 'ਤੇ ਵਿਸ਼ਵਾਸ ਡੋਲ ਸਕਦਾ ਹੈ।
ਯਾਦ ਰਹੇ ਬੀ.ਸੀ. 'ਚ ਐਨ.ਡੀ.ਪੀ. ਸਰਕਾਰ ਨੇ ਗੈਰਕਨੂੰਨੀ ਕੈਸ਼ ਦੇ ਮਾਮਲੇ 'ਚ ਉਸ ਵੇਲੇ ਇਨਕੁਆਇਰੀ ਬਿਠਾਈ ਸੀ, ਜਦ ਰੀਅਲ ਐਸਟੇਟ, ਲਗਜ਼ਰੀ ਗੱਡੀਆਂ ਅਤੇ ਜੂਏ ਦੇ ਖੇਤਰ 'ਚ ਇਸ ਪੈਸੇ ਦੀ ਵਰਤੋਂ ਦੀਆਂ ਰਿਪੋਰਟਸ ਉਜਾਗਰ ਹੋਈਆਂ ਸਨ।
