23.39C Vancouver 23.39C VancouverOct 29, 2020 7:33 PM -
ਬੀ.ਸੀ. 'ਚ ਮਨੀ ਲੌਂਡਰਿੰਗ ਦੀ ਇੰਕਵਾਇਰੀ ਦੌਰਾਨ ਦੱਸਿਆ ਗਿਆ ਹੈ ਕਿ ਆਰ.ਸੀ.ਐਮ.ਪੀ. ਕੋਲ ਅਜਿਹੇ ਰਿਸੋਰਸਿਸ ਨਹੀਂ ਸਨ ਕਿ ਸੂਬੇ ਦੇ ਸਭ ਤੋਂ ਵੱਡੇ ਕਸੀਨੋ 'ਚ ਗੈਰਕਨੂੰਨੀ ਗਤੀਵਿਧੀਆਂ ਦੀ ਜਾਂਚ ਕੀਤੀ ਜਾ ਸਕੇ।
ਰਿਚਮੰਡ ਆਰ.ਸੀ.ਐਮ.ਪੀ. ਡਿਟੈਚਮੈਂਟ ਦੇ ਸਾਬਕਾ, ਆਫ਼ਿਸਰ ਇਨ ਚਾਰਜ, ਵਾਰਡ ਕਲੈਫਮ ਦਾ ਕਹਿਣਾ ਸੀ ਕਿ ਉਨ੍ਹਾਂ ਦੋ ਵਾਰ ਕੋਸ਼ਿਸ਼ ਕੀਤੀ ਸੀ ਕਿ ਇੱਕ ਨਵੀਂ ਯੂਨਿਟ ਸਥਾਪਿਤ ਕੀਤੀ ਜਾ ਸਕੇ, ਜੋ ਕਿ 'ਰਿਵਰ ਰੌਕ ਕਸੀਨੋ' ਨਾਲ ਸੰਬੰਧਤ ਹੋਵੇ ਪਰ ਸਿਟੀ ਨੇ ਉਨ੍ਹਾਂ ਦੀ ਮੰਗ ਨੂੰ ਠੁਕਰਾ ਦਿੱਤਾ।
ਬੀ.ਸੀ. ਸਰਕਾਰ ਨੇ ਮਨੀ ਲੌਂਡਰਿੰਗ ਸੰਬੰਧੀ ਜਾਂਚ ਉਸ ਵੇਲੇ ਬਿਠਾਈ ਸੀ, ਜਦ ਗੈਰਕਨੂੰਨੀ ਕੈਸ਼ ਨਾਲ ਸੰਬੰਧਤ ਰੀਅਲ ਐਸਟੇਟ ਡੀਲਸ, ਲਗਜ਼ਰੀ ਗੱਡੀਆਂ ਦੀ ਵਿਕਰੀ ਅਤੇ ਜੂਏ ਦੀਆਂ ਗਤੀਵਿਧੀਆਂ ਰਿਪੋਰਟ ਹੋਈਆਂ ਸਨ।
ਇੰਕਵਾਇਰੀ ਸਾਹਮਣੇ ਗੌਰਡ ਫਰਾਈਜ਼ਨ ਨੇ ਵੀ ਆਪਣਾ ਪੱਖ ਰੱਖਿਆ ਹੈ ਜੋ ਕਿ ਇੱਕ ਸਾਬਕਾ ਅਫ਼ਸਰ ਹਨ, ਅਤੇ ਬੀ.ਸੀ. ਲੌਟਰੀ ਕਾਰਪੋਰੇਸ਼ਨ ਦੇ ਇਨਵੈਸਟੀਗੇਸ਼ਨ ਸੰਬੰਧੀ ਸਾਬਕਾ ਮੈਨੇਜਰ ਹਨ।
ਉਨ੍ਹਾਂ ਕਿਹਾ ਹੈ ਕਿ ਉਨ੍ਹਾਂ ਕੋਲ ਕੋਈ ਟ੍ਰਾਂਜ਼ੈਕਸ਼ਨ ਰੋਕਣ ਦੀ ਤਾਕਤ ਨਹੀਂ ਸੀ, ਜਦ ਤੱਕ ਕਿ ਉਨ੍ਹਾਂ ਨੂੰ ਪਤਾ ਨਾ ਹੋਵੇ ਕਿ, ਪੈਸਾ ਕਿਸੇ ਪ੍ਰਕਾਰ ਦੇ ਅਪਰਾਧ ਤੋਂ ਆਇਆ ਹੈ।
