15.84C Vancouver 15.84C VancouverJul 23, 2021 9:03 AM -
ਸ਼ੁੱਕਰਵਾਰ ਨੂੰ ਵਿਰੋਧੀ ਧਿਰ ਦੇ ਹੰਗਾਮੇ ਦੌਰਾਨ, ਰਾਜ ਸਭਾ ਦੀ ਕਾਰਵਾਈ ਤੀਜੀ ਵਾਰੀ ਮੁਲਤਵੀ ਕੀਤੀ ਗਈ।
12:30 ਵਜੇ ਕਾਰਵਾਈ ਮੁੜ ਸ਼ੁਰੂ ਹੋਣ ਤੋਂ ਬਾਅਦ, ਸਦਨ ਦੀ ਕਾਰਵਾਈ 2:30 ਵਜੇ ਤੱਕ ਮੁਲਤਵੀ ਕਰ ਦਿੱਤੀ ਗਈ।
ਇਸ ਤੋਂ ਪਹਿਲਾਂ, ਰਾਜ ਸਭਾ ਦੀ ਕਾਰਵਾਈ, ਅੱਜ ਦੁਪਹਿਰ 12 ਵਜੇ ਤੱਕ ਮੁਲਤਵੀ ਕੀਤੀ ਗਈ ਸੀ ।
ਕਾਰਵਾਈ ਮੁੜ ਸ਼ੁਰੂ ਕਰਦਿਆਂ ਹੀ, ਵਿਰੋਧੀ ਧਿਰ ਦੇ ਨੇਤਾਵਾਂ ਨੇ ਕਿਸਾਨ ਮੋਰਚੇ ਅਤੇ ਪੈਗੈਸਸ ਜਾਸੂਸੀ ਵਿਵਾਦ 'ਤੇ ਹੰਗਾਮਾ ਕੀਤਾ।
ਇਸੇ ਦੌਰਾਨ, ਰਾਜ ਸਭਾ ਦੇ ਚੇਅਰਮੈਨ ਐੱਮ ਵੈਂਕਈਆ ਨਾਇਡੂ ਨੇ ਸ਼ੁੱਕਰਵਾਰ ਨੂੰ ਟੀਐੱਮਸੀ ਦੇ ਐੱਮਪੀ ਸਾਂਤਨੁ ਸੇਨ ਨੂੰ ਚਾਲੂ ਮਾਨਸੂਨ ਸੈਸ਼ਨ ਦੇ ਬਾਕੀ ਦੇ ਵਕਫ਼ੇ ਲਈ ਬਰਖ਼ਾਸਤ ਕਰ ਦਿੱਤਾ।
ਪਰ ਬਰਖ਼ਾਸਤਗੀ ਦੇ ਬਾਵਜੂਦ, ਸੇਨ ਸਦਨ ਦੇ ਅੰਦਰ ਹੀ ਹਾਜ਼ਰ ਰਹੇ।
ਇਸ 'ਤੇ ਰਾਜ ਸਭਾ ਦੇ ਨਾਇਕ ਕੁਲਪਤੀ ਹਰਿਵੰਸ਼ ਨਰਾਇਣ ਸਿੰਘ ਨੇ ਟੀਐੱਮਸੀ ਦੇ ਐੱਮਪੀ ਨੂੰ ਸਦਨ ਤੋਂ ਬਾਹਰ ਜਾਣ ਦੇ ਹੁਕਮ ਦਿੱਤੇ।
ਰਾਜ ਸਭਾ ਦੇ ਨਾਇਕ ਕੁਲਪਤੀ ਨੇ ਆਖਿਆ,"ਜਿਵੇਂ ਕਿ ਤੁਸੀਂ (ਟੀਐੱਮਸੀ ਦੇ ਐੱਮਪੀ ਸਾਂਤਨੁ ਸੇਨ), ਜਾਣਦੇ ਹੋ, ਕਿ ਰਹਿੰਦੇ ਮਾਨਸੂਨ ਸੈਸ਼ਨ ਦੀਆਂ ਕਾਰਵਾਈਆਂ ਵਿੱਚ ਤੁਹਾਡੀ ਬਰਖ਼ਾਸਤਗੀ ਦਾ ਮਤਾ ਪਾਸ ਹੋ ਚੁੱਕਾ ਹੈ, ਅਸੀਂ ਬੇਨਤੀ ਕਰਦੇ ਹਾਂ ਕਿ ਤੁਸੀਂ ਸਦਨ ਤੋਂ ਬਾਹਰ ਚਲੇ ਜਾਉ।"
ਦਰਅਸਲ, ਟੀਐੱਮਸੀ ਦੇ ਐੱਮਪੀ ਸਾਂਤਨੁ ਸੇਨ 'ਤੇ ਹੋਈ ਇਹ ਕਾਰਵਾਈ, ਕੱਲ ਵੀਰਵਾਰ ਨੂੰ ਰਾਜ ਸਭਾ ਵਿੱਚ, ਬਿਜਲਈ ਅਤੇ ਸੂਚਨਾ ਤਕਨੀਕ ਮੰਤਰੀ ਅਸ਼ਵਿਨੀ ਵੈਸ਼ਨਵ ਤੋਂ ਪੈਗੈਸਸ ਮੁੱਦੇ 'ਤੇ ਦਿੱਤੇ ਜਾ ਰਹੇ ਬਿਆਨ ਨੂੰ ਖੋਹ ਕੇ ਪਾੜਨ ਕਰਕੇ ਹੋਈ ਹੈ।
