14.79C Vancouver 14.79C VancouverOct 28, 2024 3:46 PM - The Canadian Press
ਕੈਨੇਡਾ ਵਿਚ ਫੂਡ ਬੈਂਕ ਦਾ ਇਸਤੇਮਾਲ ਕਰਨ ਵਾਲੇ ਲੋਕਾਂ ਦੀ ਗਿਣਤੀ ਰਿਕਾਰਡ ਤੋੜ ਰਹੀ ਹੈ। ਫੂਡ ਬੈਂਕ ਕੈਨੇਡਾ ਦੀ ਲੇਟਸਟ ਰਿਪੋਰਟ ਮੁਤਾਬਕ, ਕਰਿਆਨਾ ਅਤੇ ਰਿਹਾਇਸ਼ ਕੀਮਤਾਂ ਵਿਚ ਵਾਧਾ ਹੋਣ ਦੇ ਮੱਦੇਨਜ਼ਰ ਮਾਰਚ 2024 ਵਿਚ ਦੋ ਮਿਲੀਅਨ ਤੋਂ ਵੱਧ ਲੋਕਾਂ ਨੇ ਫੂਡ ਬੈਂਕ ਵਿਜ਼ਿਟ ਕੀਤਾ। ਇਹ ਪੰਜ ਸਾਲ ਪਹਿਲਾਂ ਯਾਨੀ 2019 ਦੇ ਮੁਕਾਬਲੇ ਮਹੀਨਾਵਾਰ ਫੂਡ ਬੈਂਕ ਦਾ ਇਸਤੇਮਾਲ ਕਰਨ ਵਾਲੇ ਲੋਕਾਂ ਵਿਚ ਲਗਭਗ ਦੁੱਗਣਾ ਵਾਧਾ ਹੈ ਅਤੇ ਪਿਛਲੇ ਸਾਲ ਦੀ ਰਿਕਾਰਡ ਤੋੜ ਗਿਣਤੀ ਨਾਲੋਂ 6 ਫੀਸਦੀ ਜ਼ਿਆਦਾ ਹੈ।
ਸਭ ਤੋਂ ਵੱਧ ਡਿਮਾਂਡ ਜਿਨ੍ਹਾਂ ਲੋਕਾਂ ਤੋਂ ਆ ਰਹੀ ਹੈ ਉਨ੍ਹਾਂ ਵਿਚ ਕਿਰਾਏਦਾਰ ਅਤੇ ਨਵੇਂ ਆਉਣ ਵਾਲੇ ਵੀ ਸ਼ਾਮਲ ਹਨ। ਫੂਡ ਬੈਂਕ ਕੈਨੇਡਾ ਦੀ ਸੀ.ਈ.ਓ. ਕਰਿਸਟਨ ਬੀਅਰਡਸਲੇ ਨੇ ਕਿਹਾ ਕਿ ਇੰਨੀ ਭਾਰੀ ਡਿਮਾਂਡ ਨੇ ਫੂਡ ਬੈਂਕ ਨੂੰ ਖ਼ਤਮ ਹੋਣ ਦੇ ਕੰਢੇ ’ਤੇ ਖੜ੍ਹੇ ਕਰ ਦਿੱਤਾ ਹੈ, ਅਜਿਹੇ ਮਾਹੌਲ ਵਿਚ ਘੱਟ ਆਮਦਨ ਵਾਲੇ ਕੈਨੇਡੀਅਨਾਂ ਨੂੰ ਤੁਰੰਤ ਮਦਦ ਦੀ ਲੋੜ ਹੈ।
ਸਰਕਾਰ ਨੂੰ ਅਜਿਹੇ ਕਦਮ ਚੁੱਕਣ ਦੀ ਗੁਜ਼ਾਰਿਸ਼ ਕੀਤੀ ਗਈ ਹੈ, ਜਿਨ੍ਹਾਂ ਵਿਚ ਕਿਰਾਏ ਵਿਚ ਸਹਾਇਤਾ ਅਤੇ ਘੱਟ ਆਮਦਨੀ ਵਾਲੇ ਸਮੂਹ ਲਈ ਮਹੀਨਾਵਾਰ ਭੁਗਤਾਨ ਸ਼ਾਮਲ ਹੋਣ ਤਾਂ ਕਿ ਲੋਕਾਂ ਨੂੰ ਕਿਰਾਏ ਅਤੇ ਖਾਣ-ਪੀਣ ਦੇ ਖ਼ਰਚ ਵਿਚ ਸਹਾਇਤਾ ਮਿਲ ਸਕੇ।
