12.6C Vancouver 12.6C VancouverSep 11, 2023 6:00 PM - The Canadian Press
ਡਾਊਨਟਾਊਨ ਮਾਂਟਰੀਅਲ ਵਿੱਚ ਓਵਰਡੋਜ਼ ਕਾਰਨ ਛੇ ਲੋਕਾਂ ਨੂੰ ਹਸਪਤਾਲ ਦਾਖਿਲ ਕਰਵਾਇਆ ਗਿਆ ਹੈ।
ਮਾਂਟਰੀਅਲ ਪਬਲਿਕ ਹੈਲਥ ਵੱਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਸਿਹਤ ਏਜੰਸੀ ਦਾ ਕਹਿਣਾ ਹੈ ਕਿ ਇਹ ਮਾਮਲਾ ਬਹੁਤ ਹੀ ਚਿੰਤਾਜਨਕ ਹੈ ਕਿ ਇੱਕ ਦਿਨ ਵਿੱਚ 6 ਲੋਕ ਓਵਰਡੋਜ਼ ਕਾਰਨ ਹਸਪਤਾਲ ਭਰਤੀ ਕਰਵਾਏ ਗਏ ਨੇ।
ਮਾਂਟਰੀਅਲ ਦੀ ਐਂਬੂਲੈਂਸ ਸਰਵਿਸ ਦਾ ਕਹਿਣਾ ਹੈ ਕਿ ਐਤਵਾਰ ਦੁਪਹਿਰ ਨੂੰ ਛੇ ਲੋਕਾਂ ਲਈ ਇੱਕ ਕਾਲ ਆਈ ਜੋ ਓਵਰਡੋਜ਼ ਦਾ ਸ਼ਿਕਾਰ ਹੋ ਚੁੱਕੇ ਸਨ। ਮਾਂਟਰੀਅਲ ਪੁਲਿਸ ਦਾ ਕਹਿਣਾ ਹੈ ਕਿ ਹਸਪਤਾਲ ਲਿਜਾਏ ਗਏ ਛੇ ਵਿਅਕਤੀਆਂ ਵਿੱਚੋਂ ਪੰਜ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ ਅਤੇ ਇੱਕ ਵਿਅਕਤੀ ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ।
ਡਾਊਨਟਾਊਨ ਮਾਂਟਰੀਅਲ ਵਿੱਚ ਸਵਦੇਸ਼ੀ ਲੋਕਾਂ ਲਈ ਇੱਕ ਸ਼ੈਲਟਰ ਚਲਾ ਰਹੀ ਹੈਦਰ ਜੌਹਨਸਟਨ ਨੇ ਕਿਹਾ ਕਿ ਇਲਾਕੇ ਵਿੱਚ ਨਸ਼ਿਆਂ ਦੀ ਸਮੱਸਿਆ ਤੇਜ਼ ਹੋ ਗਈ ਹੈ।
ਜੌਹਨਸਟਨ ਨੇ ਕਿਹਾ ਕਿ ਸ਼ੈਲਟਰ ਵਿੱਚ ਰਹਿਣ ਵਾਲੇ ਲੋਕ ਤੇ ਸਟਾਫ ਇਨ੍ਹਾਂ ਘਟਨਾਵਾਂ ਕਾਰਨ ਸਦਮੇ ਵਿੱਚ ਹਨ।
ਜੌਹਨਸਟਨ ਨੇ ਕਿਹਾ ਕਿ ਪਿਛਲੇ ਇੱਕ ਸਾਲ ਵਿੱਚ ਸ਼ੈਲਟਰ ਵਿੱਚ ਓਵਰਡੋਜ਼ ਦਾ ਵਾਧਾ ਹੋਇਆ ਹੈ।
