20.26C Vancouver 20.26C VancouverSep 29, 2020 11:14 PM -
ਕਿਊਬੈਕ ਦੇ ਰੈਸਟੂਰੈਂਟ ਵਪਾਰੀਆਂ ਦਾ ਕਹਿਣਾ ਹੈ ਕਿ ਮੌਂਟਰੀਅਲ ਅਤੇ ਦੋ ਹੋਰ ਇਲਾਕਿਆਂ 'ਚ ਰੈਸਟੂਰੈਂਟ ਅਤੇ ਬਾਰਜ਼ ਬੰਦ ਕੀਤੇ ਜਾਣ 'ਤੇ ਉਹ ਬੇਹੱਦ ਹੈਰਾਨ ਹਨ।
ਸੋਮਵਾਰ ਨੂੰ ਕਿਊਬੈਕ ਦੇ ਪ੍ਰੀਮਿਅਰ ਫ੍ਰਾਂਸੂਆ ਲੈਗੌਲਟ ਨੇ ਮੌਂਟਰੀਅਲ ਅਤੇ ਕਿਊਬੈਕ ਸਿਟੀ ਦੇ ਇਲਾਕਿਆਂ ਨੂੰ ਰੈਡ ਜ਼ੋਨ ਐਲਾਨ ਦਿੱਤਾ ਸੀ, ਅਤੇ 1 ਅਕਤੂਬਰ ਤੋਂ 28 ਅਕਤੂਬਰ ਤੱਕ ਲਈ ਕਈ ਪਬੰਦੀਆਂ ਐਲਾਨੀਆਂ ਸਨ ਜਿਸ 'ਚ ਰੈਸਟੂਰੈਂਟ ਅਤੇ ਬਾਰ ਬੰਦ ਕਰਨ ਦੇ ਨਿਰਦੇਸ਼ ਸ਼ਾਮਿਲ ਸਨ।
ਕਿਊਬੈਕ ਰੈਸਟੂਰੈਂਟ ਐਸੋਸੀਏਅਸ਼ਨ ਦੇ ਬੁਲਾਰੇ ਮਾਰਟਿਨ ਵੇਜ਼ੀਨਾ ਦਾ ਕਹਿਣਾ ਸੀ ਕਿ ਰੈਸਟੂਰੈਂਟ ਇਸ ਮੁਸੀਬਤ ਦਾ ਕਾਰਨ ਨਹੀਂ ਹਨ ਅਤੇ ਉਨ੍ਹਾਂ ਦੇ ਬਹੁਤ ਸਾਰੇ ਮੈਂਬਰਾਂ ਨੇ ਸਟਾਫ਼ ਅਤੇ ਮਹਿਮਾਨਾਂ ਦੇ ਬਚਾਅ ਲਈ ਹਜ਼ਾਰਾਂ ਡਾਲਰ ਖਰਚੇ ਹਨ।
ਮੌਂਟਰੀਅਲ ਦੇ ਪਬਲਿਕ ਹੈਲਥ ਡਾਇਰੈਕਟਰ, ਡਾ. ਮੇਲੀਨ ਡਰੁਇਨ ਦਾ ਕਹਿਣਾ ਹੈ ਕਿ ਸ਼ਹਿਰ ਦੇ ਰਾਸੀਟੂਰੈਂਟਾਂ 'ਚ ਕੋਵਿਡ-19 ਆਊਟਬ੍ਰੇਕ ਨਹੀਂ ਐਲਾਨੇ ਗਏ ਹਨ ਅਤੇ ਨਾ ਹੀ ਕਿਸੇ ਜਗ੍ਹਾ ਸਟਾਫ਼ ਤੋਂ ਕਿਸੇ ਮਹਿਮਾਨ ਨੂੰ ਸੰਕ੍ਰਮਣ ਹੋਣ ਦੀ ਰਿਪੋਰਟ ਹੈ।
ਇੱਕ ਨਵੇਂ ਰੈਸਟੂਰੈਂਟ ਦੀ ਸ਼ੁਰੂਆਤ ਕਰਨ ਵਾਲੇ ਵਪਾਰੀ, ਮਾਈਕਲ ਲਫੈਲੀ ਦਾ ਕਹਿਣਾ ਸੀ ਕਿ ਸਾਰੇ ਨਿਰਦੇਸ਼ਾਂ ਦਾ ਪਾਲਣ ਕਰਨ ਦੇ ਬਾਵਜੂਦ ਅਜਿਹਾ ਵਿਵਹਾਰ ਹੋਣਾ ਦਰਸ਼ਾਉਂਦਾ ਹੈ ਕਿ ਰੈਸਟੂਰੈਂਟਾਂ ਨੂੰ ਅਸਲ ਵਪਾਰ ਦੀ ਤਰ੍ਹਾਂ ਨਹੀਂ ਵੇਖਿਆ ਜਾ ਰਿਹਾ।
ਵੇਜ਼ੀਨਾ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਗਰੁੱਪ ਸਰਕਾਰ ਤੋਂ ਰੈਸਟੂਰੈਂਟਾਂ ਦੀ ਮਦਦ ਕਰਨ ਦੀ ਅਪੀਲ ਕਰ ਰਿਹਾ ਹੈ, ਅਤੇ ਜੇਕਰ ਅਜਿਹਾ ਨਹੀਂ ਹੁੰਦਾ ਤਾਂ ਕਈ ਰੈਸਟੂਰੈਂਟ ਬੰਦ ਹੋ ਜਾਣਗੇ।
