18.19C Vancouver 18.19C VancouverDec 14, 2020 6:27 PM -
ਅੱਜ ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਅਤੇ ਸਿਹਤ ਮੰਤਰੀ ਐਡਰੀਅਨ ਡਿਕਸ ਵੱਲੋਂ ਸੂਬੇ 'ਚ ਫਾਈਜ਼ਰ ਬਾਇਓਐਨਟੈਕ ਦੀ ਵੈਕਸੀਨ ਦੀ ਵੰਢ ਅਤੇ ਵਰਤੋਂ ਸੰਬੰਧੀ ਵਧੇਰੇ ਵੇਰਵੇ ਸਾਂਝੇ ਕੀਤੇ ਜਾ ਸਕਦੇ ਹਨ।
ਬੀਤੇ ਵੀਰਵਾਰ ਡਾ. ਹੈਨਰੀ ਨੇ ਕਿਹਾ ਸੀ ਕਿ ਸੂਬਾ ਇੱਕ ਵੱਡੇ ਮੀਲ ਪੱਥਰ ਵੱਲ ਵਧ ਰਿਹਾ ਹੈ।
ਉਨ੍ਹਾਂ ਕਿਹਾ ਸੀ ਕਿ ਇਸ ਹਫ਼ਤੇ ਵੈਕਸੀਨ ਨਾਲ ਪਹਿਲੇ ਲੋਕਾਂ ਨੂੰ ਇਮਿਊਨਾਈਜ਼ ਕੀਤਾ ਜਾਵੇਗਾ।
ਡਾ. ਬੌਨੀ ਹੈਨਰੀ ਦਾ ਕਹਿਣਾ ਹੈ ਕਿ ਲੌਂਗ ਟਰਮ ਕੇਅਰ ਫੈਸਿਲਟੀਆਂ ਅਤੇ ਇੰਟੈਂਸਿਵ ਕੇਅਰ ਯੂਨਿਟ 'ਚ ਹੈਲਥ ਕੇਅਰ ਵਰਕਰਾਂ ਨੂੰ ਸਭ ਤੋਂ ਪਹਿਲਾਂ ਵੈਕਸੀਨ ਉਪਲਬਧ ਕਰਵਾਈ ਜਾਵੇਗੀ।
ਫਾਈਜ਼ਰ ਦੀ ਵੈਕਸੀਨ ਦੀਆਂ 4,000 ਡੋਜ਼ ਇਸ ਹਫ਼ਤੇ ਬੀ.ਸੀ. ਪਹੁੰਚ ਰਹੀਆਂ ਹਨ।
ਇਮਿਊਨਾਈਜ਼ੇਸ਼ਨ ਦੋ ਕਲੀਨਿਕਸ 'ਚ ਹੋਣਗੀਆਂ।
ਇੱਕ ਵੈਨਕੂਵਰ ਕੋਸਟਲ ਹੈਲਥ ਦਾ ਕਲੀਨਿਕ ਹੈ ਅਤੇ ਦੂਜਾ ਫਰੇਜ਼ਰ ਹੈਲਥ ਰਿਜਨ 'ਚ ਹੈ।
ਇਸ ਪ੍ਰੀਕਿਰਿਆ 'ਚ ਕੁਝ ਸਮੇਂ ਤੱਕ ਕੁੱਲ 30 ਸਾਈਟਸ ਸਥਾਪਿਤ ਕੀਤੇ ਜਾਣ ਦੀ ਜਾਣਕਾਰੀ ਦਿੱਤੀ ਗਈ ਸੀ।
ਮਾਰਚ ਦੇ ਅੰਤ ਤੱਕ ਕਰੀਬ 400,000 ਬੀ.ਸੀ. ਵਾਸੀਆਂ ਨੂੰ ਇਮਿਊਨਾਈਜ਼ ਕਰਨ ਦਾ ਅਨੁਮਾਨ ਦੱਸਿਆ ਗਿਆ ਹੈ।
