ਬੀ.ਸੀ. ਦੇ ਰੈਂਟਲ ਅਸਿਸਟੈਂਸ ਪ੍ਰੋਗਰਾਮ ਤਹਿਤ ਸੂਬੇ ਦੇ ਵਧੇਰੇ ਪਰਿਵਾਰਾਂ ਨੂੰ ਮਿਲੇਗਾ ਫਾਇਦਾ

ਬੀ.ਸੀ. ਦੇ ਰੈਂਟਲ ਅਸਿਸਟੈਂਸ ਪ੍ਰੋਗਰਾਮ ਤਹਿਤ ਹੁਣ ਸੂਬੇ ਦੇ ਵਧੇਰੇ ਪਰਿਵਾਰਾਂ ਨੂੰ ਫਾਇਦਾ ਮਿਲੇਗਾ। ਡੇਵਿਡ ਈਬੀ ਸਰਕਾਰ ਨੇ ਬਜਟ 2025 ਵਿਚ ਘੱਟ ਆਮਦਨ ਵਾਲੇ ਕੰਮ ਕਰਨ ਵਾਲੇ ਪਰਿਵਾਰ ਲਈ ਚਲਾਏ ਜਾਂਦੇ ਰੈਂਟਲ ਅਸਿਸਟੈਂਸ ਪ੍ਰੋਗਰਾਮ ਵਾਸਤੇ ਯੋਗ ਕਰਨ ਲਈ ਸਾਲਾਨਾ ਇਨਕਮ ਦੀ ਲਿਮਟ $40,000 ਤੋਂ ਵਧਾ ਕੇ $60,000 ਕਰ ਦਿੱਤੀ ਹੈ।

ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ ਇਸ ਕਦਮ ਨਾਲ ਕਿਰਾਏ ਦੇ ਪੂਰਕ ਪ੍ਰਾਪਤ ਕਰਨ ਵਾਲੇ ਪਰਿਵਾਰਾਂ ਦੀ ਗਿਣਤੀ 3,200 ਤੋਂ ਵੱਧ ਕੇ ਲਗਭਗ 6,000 ਹੋਣ ਦੀ ਉਮੀਦ ਹੈ। ਇਸ ਤੋਂ ਇਲਾਵਾ ਕਿਰਾਏ ਦੇ ਪੂਰਕ ਦੀ ਰਕਮ ਵੀ ਲਗਭਗ 75 ਫੀਸਦੀ ਵਧਾ ਕੇ $400 ਪ੍ਰਤੀ ਮਹੀਨਾ ਤੋਂ $700 ਪ੍ਰਤੀ ਮਹੀਨਾ ਕੀਤੀ ਜਾ ਰਹੀ ਹੈ।

ਉਥੇ ਹੀ, ਬਜ਼ੁਰਗ ਕਿਰਾਏ 'ਤੇ ਰਹਿਣ ਵਾਲਿਆਂ ਲਈ ਆਸਰਾ ਸਹਾਇਤਾ ਪ੍ਰੋਗਰਾਮ ਲਈ ਵੀ ਇਨਕਮ ਲਿਮਟ ਅਤੇ ਔਸਤਨ ਪੂਰਕ ਦੀ ਰਕਮ ਵਧਾ ਦਿੱਤੀ ਗਈ ਹੈ, ਜਿਸ ਨਾਲ 1,600 ਵਧੇਰੇ ਸੀਨੀਅਰਜ਼ ਨੂੰ ਫਾਇਦਾ ਮਿਲੇਗਾ।