10.6C Vancouver 10.6C VancouverApr 22, 2021 5:41 PM -
ਹੁਣ ਕੈਨੇਡਾ 'ਚ 10 ਮਿਲੀਅਨ ਤੋਂ ਵਧੇਰੇ ਲੋਕਾਂ ਨੂੰ ਕੋਵਿਡ-19 ਦੀ ਘਟੋ-ਘੱਟ ਇੱਕ ਖੁਰਾਕ ਹਾਸਿਲ ਹੋ ਚੁੱਕੀ ਹੈ।
ਅੱਜ ਸਵੇਰੇ ਹੀ ਕੈਨੇਡਾ ਨੇ ਇਸ ਅਹਿਮ ਅੰਕੜੇ ਨੂੰ ਪਾਰ ਕੀਤਾ ਹੈ।
ਹਾਲਾਂਕਿ ਅਜੇ ਵੀ ਦੇਸ਼ 'ਚ ਇੱਕ ਮਿਲੀਅਨ ਤੋਂ ਘੱਟ ਲੋਕਾਂ ਨੂੰ ਵੈਕਸੀਨ ਦੀਆਂ ਦੋਵੇਂ ਖੁਰਾਕਾਂ ਹਾਸਿਲ ਹੋ ਸਕੀਆਂ ਹਨ।
ਯਾਦ ਰਹੇ ਕੈਨੇਡਾ 'ਚ ਵੈਕਸੀਨ ਦੀਆਂ ਦੂਜਿਆਂ ਖੁਰਾਕਾਂ ਨੂੰ 4 ਮਹੀਨੇ ਲਈ ਡਿਲੇਅ ਕੀਤਾ ਜਾ ਰਿਹਾ ਹੈ ਤਾਂ ਜੋ ਵੱਧ ਤੋਂ ਵੱਧ ਲੋਕਾਂ ਨੂੰ ਵੈਕਸੀਨ ਦੀ ਪਹਿਲੀ ਖੁਰਾਕ ਜਲਦੀ ਹਾਸਿਲ ਹੋ ਸਕੇ।
ਇੱਕ ਮਹੀਨਾ ਪਹਿਲਾਂ ਦੇ ਮੁਕਾਬਲੇ ਕੈਨੇਡਾ 'ਚ ਵੈਕਸੀਨ ਪ੍ਰਦਾਨ ਕੀਤੇ ਜਾਣ ਦੀ ਰਫਤਾਰ ਦੁੱਗਣੀ ਹੋ ਗਈ ਹੈ।
ਕੈਨੇਡਾ 'ਚ ਕੋਵਿਡ-19 ਵੈਕਸੀਨ ਦੀਆਂ ਕੁੱਲ 10.8 ਮਿਲੀਅਨ ਤੋਂ ਵਧੇਰੇ ਖੁਰਾਕਾਂ ਪ੍ਰਦਾਨ ਹੋ ਚੁੱਕੀਆਂ ਹਨ।
