15.85C Vancouver 15.85C VancouverNov 30, 2023 7:48 PM - Connect News
ਬੀਸੀ ਵਿੱਚ ਇਸ ਸਾਲ ਬੱਚਿਆਂ ਦੇ ਆਨਲਾਈਨ ਸੈਕਸਟੋਰਸ਼ਨ ਦੇ 16000 ਤੋਂ ਜ਼ਿਆਦਾ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
ਹਾਲ ਹੀ ਵਿੱਚ ਪ੍ਰਿੰਸ ਜਾਰਜ ਦੇ 12 ਸਾਲਾ ਲੜਕੇ ਦੀ ਆਤਮਹੱਤਿਆ ਦੇ ਮੱਦੇਨਜ਼ਰ ਪੁਲਿਸ ਅਤੇ ਬੱਚਿਆਂ ਦੇ ਵਕੀਲ ਵੱਲੋਂ ਮਾਪਿਆਂ ਅਤੇ ਦੇਖਭਾਲ ਕਰਨ ਵਾਲਿਆਂ ਨੂੰ ਆਪਣੇ ਬੱਚਿਆਂ ਨਾਲ ਗੱਲ੍ਹ ਕਰਨ ਦੀ ਅਪੀਲ ਕੀਤੀ ਜਾ ਰਹੀ ਹੈ। ਕਾਰਸਨ ਕਲੇਲੈਂਡ ਦੇ ਮਾਪਿਆਂ ਦਾ ਕਹਿਣਾ ਹੈ ਕਿ ਉਹ ਸੈਕਸਟੋਰਸ਼ਨ ਦਾ ਪੀੜਿਤ ਸੀ ਅਤੇ ਪੁਲਿਸ ਅਨੁਸਾਰ ਅਜਿਹੇ ਮਾਮਲਿਆਂ ਵਿਚ ਬਹੁਤ ਵਾਧਾ ਦੇਖਿਆ ਜਾ ਰਿਹਾ ਹੈ।
ਬੀਸੀ ਆਰਸੀਐੱਮਪੀ ਦੀ ਏਕੀਕ੍ਰਿਤ ਬਾਲ ਸ਼ੋਸ਼ਣ ਜਾਂ ਆਈਸੀਈ ਯੂਨਿਟ ਦਾ ਕਹਿਣਾ ਹੈ ਕਿ 2022 ਵਿੱਚ ਨੈਸ਼ਨਲ ਸੈਂਟਰ ਫਾਰ ਮਿਸਿੰਗ ਐਂਡ ਐਕਸਪਲੋਈਟੇਡ ਚਿਲਡਰਨ ਵੱਲੋਂ ਉਨ੍ਹਾਂ ਨੂੰ 8,000 ਤੋਂ ਵੱਧ ਕੇਸ ਭੇਜੇ ਗਏ ਸਨ। 2023 ਵਿੱਚ ਇਹ ਸੰਖਿਆ ਦੁੱਗਣੀ ਹੋ ਕੇ 16000 ਕੇਸਾਂ ਤੱਕ ਪਹੁੰਚ ਗਈ ਹੈ।
ਕੈਨੇਡੀਅਨ ਸੈਂਟਰ ਫਾਰ ਚਾਈਲਡ ਪ੍ਰੋਟੈਕਸ਼ਨ ਦੇ ਸਿਗਨੀ ਅਰਨਾਸ ਦਾ ਕਹਿਣਾ ਹੈ ਕਿ ਸਾਡੇ ਸਾਹਮਣੇ ਇਸ ਵੇਲੇ ਜਨਤਕ ਸਿਹਤ ਐਮਰਜੈਂਸੀ ਦੀ ਸਮੱਸਿਆ ਹੈ। ਬੀਸੀ ਦੇ ਅਟਾਰਨੀ ਜਨਰਲ ਅਨੁਸਾਰ ਸੂਬੇ ਵੱਲੋਂ ਆਨਲਾਈਨ ਸੈਕਸਟੋਰਸ਼ਨ ਨੂੰ ਰੋਕਣ ਦੀ ਕੋਸ਼ਿਸ਼ ਕਰਨ ਲਈ ਇੰਟੀਮੇਟ ਇਮੇਜ ਪ੍ਰੋਟੈਕਸ਼ਨ ਐਕਟ ਪੇਸ਼ ਕੀਤਾ ਗਿਆ ਹੈ।
