14.57C Vancouver 14.57C VancouverDec 23, 2024 7:52 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਵਿਚ ਇਸ ਸਾਲ 280 ਮਿਲੀਅਨ ਤੋਂ ਵੱਧ ਰੁੱਖ ਲਗਾਏ ਗਏ ਹਨ। ਜੰਗਲਾਤ ਮੰਤਰੀ ਰਵੀ ਪਰਮਾਰ ਨੇ ਇੱਕ ਨਿਊਜ਼ ਰਿਲੀਜ਼ ਵਿਚ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਵਾਤਾਵਰਣ ਨੂੰ ਸੁਰੱਖਿਅਤ ਰੱਖਣ ਲਈ 13 ਵੱਖ-ਵੱਖ ਕਿਸਮਾਂ ਦੇ ਰੁੱਖਾਂ ਦੀ ਚੋਣ ਕੀਤੀ ਗਈ। ਇਨ੍ਹਾਂ ਨੂੰ ਲਗਾਉਣ ਲਈ ਮੁੱਖ ਫੋਕਸ ਅੱਗ ਨਾਲ ਨੁਕਸਾਨੇ ਗਏ ਖ਼ੇਤਰਾਂ ’ਤੇ ਵੀ ਰਿਹਾ।
ਜੰਗਲਾਤ ਮੰਤਰੀ ਰਵੀ ਪਰਮਾਰ ਨੇ ਕਿਹਾ ਕਿ ਸਰਕਾਰ ਵਲੋਂ ਹਰੇ ਭਰੇ ਜੰਗਲ ਰੱਖਣ ਦੀ ਵਚਨਬਧਤਾ ਨੇ ਬੀ. ਸੀ. ਨੂੰ ਇਸ ਮਾਮਲੇ ਵਿਚ ਕੈਨੇਡਾ ਵਿਚ ਮੋਹਰੀ ਬਣਾਇਆ ਹੈ ਅਤੇ 2017 ਤੋਂ ਹੁਣ ਤੱਕ 2 ਬਿਲੀਅਨ ਤੋਂ ਵੱਧ ਰੁਖ਼ ਲਗਾਏ ਜਾ ਚੁੱਕੇ ਹਨ।
ਮੰਤਰਾਲਾ ਨੇ ਕਿਹਾ ਕਿ ਜੰਗਲ ਜਨਤਕ ਜ਼ਮੀਨ ਦੇ ਵਿਸ਼ਾਲ ਖੇਤਰਾਂ ਦੇ ਪ੍ਰਬੰਧਨ ਲਈ ਜ਼ਿੰਮੇਵਾਰ ਬੀ.ਸੀ. ਲੱਕੜ ਦੀ ਵਿਕਰੀ ਨੇ ਹਰ ਸਾਲ ਸੂਬੇ ਵਿਚ ਛੋਟੇ ਕਾਰੋਬਾਰੀ ਸੰਚਾਲਕਾਂ ਨੂੰ ਲਗਭਗ 40 ਰੁੱਖ ਲਗਾਉਣ ਦੇ ਠੇਕੇ ਜਾਰੀ ਕਰਕੇ ਲੋਕਲ ਜੌਬਸ ਦਾ ਸਮਰਥਨ ਕੀਤਾ ਹੈ।
