16.3C Vancouver 16.3C VancouverNov 21, 2023 7:17 PM - connect news
ਐਡਮਿੰਟਨ ਦੀ ਆਬਾਦੀ ਤੇਜ਼ੀ ਨਾਲ ਵੱਧ ਰਹੀ ਹੈ ਅਤੇ ਕਾਨਫਰੰਸ ਬੋਰਡ ਆਫ਼ ਕੈਨੇਡਾ ਦੀ ਤਾਜ਼ਾ ਰਿਪੋਰਟ ਮੁਤਾਬਕ ਇਸ ਸਾਲ ਸਿਟੀ ਵਿੱਚ 30,000 ਨਵੇਂ ਅੰਤਰਰਾਸ਼ਟਰੀ ਲੋਕਾਂ ਦੇ ਆਉਣ ਦਾ ਅੰਦਾਜ਼ਾ ਹੈ।
ਬੀਤੇ ਸਾਲ ਸਿਟੀ ਵਿੱਚ 33,000 ਨਵੇਂ ਲੋਕ ਆਏ ਸਨ ਜੋ ਪਿਛਲੇ 20 ਸਾਲਾਂ ਦੇ ਅੰਕੜਿਆਂ ਨਾਲੋਂ ਤਿੰਨ ਗੁਣਾ ਸਨ।ਕਾਨਫਰੰਸ ਬੋਰਡ ਐਕਨੌਮਿਕ ਫੋਰਕਾਸਟਿੰਗ ਦੇ ਡਾਇਰੈਕਟਰ ਮੁਤਾਬਕ ਸਿਟੀ ਵਿੱਚ ਵੱਡੀ ਗਿਣਤੀ ਵਿੱਚ ਲੋਕਾਂ ਦੇ ਆਉਣ ਪਿੱਛੇ ਕਈ ਕਾਰਨ ਹਨ। ਸਭ ਤੋਂ ਵੱਡਾ ਕਾਰਨ ਇਹ ਹੈ ਕਿ ਫੈਡਰਲ ਸਰਕਾਰ ਨੇ ਇਮੀਗ੍ਰੇਸ਼ਨ ਦੀ ਸਪੀਡ ਵਧਾ ਦਿੱਤੀ ਹੈ। ਇਸ ਦੇ ਇਲਾਵਾ ਟੋਰਾਂਟੋ ਅਤੇ ਵੈਨਕੂਵਰ ਨਾਲੋਂ ਐਡਮਿੰਟਨ ਅਤੇ ਕੈਲਗਰੀ ਵਿੱਚ ਵਾਜਬ ਹਾਊਸਿੰਗ ਕੀਮਤਾਂ ਅਤੇ ਵੱਧ ਤਨਖਾਹ ਵੀ ਆਬਾਦੀ ਵੱਧਣਦੇ ਕਾਰਨ ਹਨ। ਉਨ੍ਹਾਂ ਕਿਹਾ ਕਿ ਸੂਬੇ ਦੀ ਆਰਥਿਕਤਾ ਦਾ ਵੀ ਇਸ 'ਤੇ ਪ੍ਰਭਾਵ ਪਿਆ ਹੈ।
ਸਿਟੀ ਦੀ ਹਾਊਸਿੰਗ ਨੀਤੀ ਬਹੁਤ ਸਾਰੇ ਲੋਕਾਂ ਨੂੰ ਆਕਰਸ਼ਿਤ ਕਰ ਰਹੀ ਹੈ। ਬੋਰਡ ਦਾ ਕਹਿਣਾ ਹੈ ਕਿ ਆਉਣ ਵਾਲੇ ਦੋ ਸਾਲਾਂ ਵਿੱਚ ਸਿਟੀ ਵਿੱਚ ਅੰਤਰਰਾਸ਼ਟਰੀ ਪਰਵਾਸ ਵਿੱਚ ਕਮੀ ਆਵੇਗੀ। 2024 ਵਿੱਚ ਲਗਭਗ 21,800 ਅਤੇ 2025 ਵਿੱਚ 18,400 ਲੋਕਾਂ ਦੇ ਸਿਟੀ ਵੱਲ ਰੁਖ਼ ਕਰਨ ਦਾ ਅੰਦਾਜ਼ਾ ਹੈ ਪਰ ਇਹ ਬੀਤੇ 20 ਸਾਲਾਂ ਨਾਲੋਂ ਚੰਗੀ ਗਿਣਤੀ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਆਬਾਦੀ ਵੱਧਣ ਨਾਲ ਸੜਕਾਂ ਅਤੇ ਪਾਣੀ ਸਿਸਟਮ ਵਿੱਚ ਪਰੇਸ਼ਾਨੀ ਆ ਸਕਦੀ ਹੈ। ਇਸ ਲਈ ਸਿਟੀ ਕੌਂਸਲਜ਼ ਨੂੰ ਇਸ 'ਤੇ ਧਿਆਨ ਦੇਣ ਦੀ ਜ਼ਰੂਰਤ ਹੈ।
