14.67C Vancouver 14.67C VancouverDec 12, 2024 6:57 PM - The Canadian Press
ਨਾਨਾਇਮੋ ਵਿਚ ਸ਼ਰਾਰਤੀ ਅਨਸਰਾਂ ਵਲੋਂ 40 ਤੋਂ ਵੱਧ ਗੱਡੀਆਂ ਦੀ ਭੰਨਤੋੜ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਾਂਚਕਰਤਾ ਮੁਤਾਬਕ, ਮੰਗਲਵਾਰ ਰਾਤ ਤੋਂ ਬੁੱਧਵਾਰ ਸਵੇਰ ਤੱਕ ਘੱਟੋ-ਘੱਟ 42 ਘਟਨਾਵਾਂ ਦੀ ਸੂਚਨਾ ਮਿਲੀ। ਵੈਨਕੂਵਰ ਆਈਲੈਂਡ ਯੂਨੀਵਰਸਿਟੀ ਵਿਚ ਖੜ੍ਹੇ ਤਿੰਨ ਗੱਡੀਆਂ ਦੇ ਸ਼ੀਸ਼ੇ ਤੋੜੇ ਗਏ, ਜਦੋਂ ਕਿ ਵੈਸਟਵੁੱਡ ਝੀਲ ਕੋਲ ਹਾਰਵੇਲ ਰੋਡ ’ਤੇ 9 ਕਾਰਾਂ ਦੀ ਡਰਾਈਵਰ ਸਾਈਡ ਦੇ ਸ਼ੀਸ਼ੇ ਤੋੜੇ ਗਏ।
ਪੁਲਿਸ ਦਾ ਮੰਨਣਾ ਹੈ ਕਿ ਖਿੜਕੀਆਂ ’ਤੇ ਛੋਟੇ ਪ੍ਰੋਜੈਕਟਾਈਲਫਾਇਰ ਕੀਤੇ ਗਏ ਹਨ। ਇਸੇ ਤਰ੍ਹਾਂ ਬੋਵੇਨ ਪਾਰਕ, ਵੁੱਡਗਰੋਵ ਸ਼ਾਪਿੰਗ ਸੈਂਟਰ ਅਤੇ ਸਿਟੀ ਦੇ ਡਾਊਨਟਾਊਨ ਕੋਰ ਨੇੜੇ ਰਿਹਾਇਸ਼ੀ ਗਲੀਆਂ ਤੋਂ ਅਜਿਹੀਆਂ ਰਿਪੋਰਟਸ ਆਈਆਂ ਹਨ।
ਆਰ.ਸੀ.ਐੱਮ.ਪੀ. ਨੇ ਕਿਹਾ ਕਿ ਨਿਸ਼ਾਨਾ ਬਣਾਏ ਗਏ ਵਾਹਨ ਜਾਂ ਤਾਂ ਸਟ੍ਰੀਟ ’ਤੇ ਪਾਰਕ ਕੀਤੇ ਗਏ ਸਨ ਜਾਂ ਪਾਰਕਿੰਗ ਸਥਾਨ ਵਿਚ ਖੜ੍ਹੇ ਸਨ। ਜਾਂਚਕਰਤਾ ਦਾ ਕਹਿਣਾ ਹੈ ਕਿ ਜ਼ਿਆਦਾਤਰ ਘਟਨਾਵਾਂ ਰਾਤ 11 ਵਜੇ ਤੋਂ ਤੜਕੇ 4.30 ਵਜੇ ਵਿਚਕਾਰ ਹੋਈਆਂ ਹਨ।
