ਗੋਰਡੀ ਹਾਵੇ ਬ੍ਰਿਜ ਦੇ ਖੁੱਲ੍ਹਣ ਦੇ ਪਹਿਲੇ 5 ਦਿਨਾਂ ਵਿੱਚ ਕੈਨੇਡਾ ਵਿੱਚ 41,000 ਤੋਂ ਵੱਧ ਲੋਕ ਆਏ: ਸਟੈਟਕੈਨ

ਕੈਨੇਡਾ ਅਤੇ ਅਮਰੀਕਾ ਵਿਚਕਾਰ ਨਵੇਂ ਗੋਰਡੀ ਹਾਵੇ ਇੰਟਰਨੈਸ਼ਨਲ ਬ੍ਰਿਜ ਦੇ ਖੁੱਲ੍ਹਣ ਦੇ ਪਹਿਲੇ 5 ਦਿਨਾਂ ਦੇ ਅੰਦਰ ਹੀ 41,000 ਤੋਂ ਵੱਧ ਵਾਹਨਾਂ ਨੇ ਅਮਰੀਕਾ ਤੋਂ ਕੈਨੇਡਾ ਵਿਚ ਪ੍ਰਵੇਸ਼ ਕੀਤਾ ਹੈ, ਜਿਸ ਵਿਚ ਕੈਨੇਡੀਅਨ ਨਿਵਾਸੀ ਦੀਆਂ ਰਿਟਰਨ ਟ੍ਰਿਪਸ ਵੀ ਸ਼ਾਮਲ ਹਨ। ਸਟੈਟਕੈਨ ਦੇ ਸ਼ੁਰੂਆਤੀ ਅੰਕੜਿਆਂ ਅਨੁਸਾਰ, ਵਿੰਡਸਰ ਅਤੇ ਡੀਟ੍ਰਾਯੇਟ ਨੂੰ ਜੋੜਨ ਵਾਲੇ ਇਸ ਪੁਲ ਰਾਹੀਂ ਲਗਭਗ 18,900 ਕੈਨੇਡੀਅਨ ਨੇ ਯਾਤਰਾ ਕੀਤੀ ਹੈ, ਜਦੋਂ ਕਿ ਇਸੇ ਦੌਰਾਨ 18,100 ਅਮਰੀਕੀ ਨਾਗਰਿਕਾਂ ਨੇ ਕੈਨੇਡਾ ਵਿਚ ਪ੍ਰਵੇਸ਼ ਕੀਤਾ।

ਇਸ ਦੇ ਨਾਲ ਹੀ ਜੁਲਾਈ ਦੇ ਆਖਰੀ ਪੰਜ ਦਿਨਾਂ ਵਿਚ ਲਗਭਗ 4,100 ਵਪਾਰਕ ਟ੍ਰਾਂਸਪੋਰਟ ਟਰੱਕਾਂ ਨੇ ਵੀ ਇਸੇ ਨਵੇਂ ਰੂਟ ਰਾਹੀਂ ਕੈਨੇਡਾ ਵੱਲ ਯਾਤਰਾ ਕੀਤੀ। ਇਸ ਦੇ ਮੁਕਾਬਲੇ ਓਨਟਾਰੀਓ ਦੇ ਦੂਜੇ ਪੁਰਾਣੇ ਸਰਹੱਦੀ ਲਾਂਘਿਆਂ ਅੰਬੈਸਡਰ ਬ੍ਰਿਜ ਅਤੇ ਵਿੰਡਸਰ-ਡੈਟ੍ਰੋਇਟ ਸੁਰੰਗ ਰਾਹੀਂ ਇਸੇ ਸਮੇਂ ਦੌਰਾਨ ਕੈਨੇਡੀਅਨ ਅਤੇ ਅਮਰੀਕੀ ਨਾਗਰਿਕਾਂ ਵਲੋਂ ਕੁੱਲ 52,700 inbound trips ਕੀਤੀਆਂ ਗਈਆਂ, ਜੋ ਇਹ ਦਰਸਾਉਂਦਾ ਹੈ ਕਿ ਨਵਾਂ ਪੁਲ ਖੁੱਲ੍ਹਣ ਨਾਲ ਸਰਹੱਦੀ ਆਵਾਜਾਈ ਕਾਫ਼ੀ ਸੁਖਾਲੀ ਹੋਈ ਹੈ ਅਤੇ ਲੋਕਾਂ ਵਲੋਂ ਗੋਰਡੀ ਹਾਵੇ ਇੰਟਰਨੈਸ਼ਨਲ ਬ੍ਰਿਜ ਨੂੰ ਪਹਿਲ ਦਿੱਤੀ ਜਾ ਰਹੀ ਹੈ, ਜੋ 27 ਜੁਲਾਈ ਨੂੰ ਖੋਲ੍ਹਿਆ ਗਿਆ ਸੀ।