17.5C Vancouver 17.5C VancouverDec 13, 2022 1:38 AM - Connect News
ਬੀ.ਸੀ. ਸਰਕਾਰ ਨੇ ਜਾਣਕਾਰੀ ਸਾਂਝੀ ਕਰ ਦੱਸਿਆ ਹੈ ਕਿ 5 ਦਿਸੰਬਰ ਤੋਂ 11 ਦਿਸੰਬਰ ਵਿਚਾਲੇ ਸੂਬੇ ਦੇ 77,500 ਲੋਕਾਂ ਨੇ ਇੰਫਲੂਐਂਜ਼ਾ ਸੰਬੰਧੀ ਵੈਕਸੀਨ ਹਾਸਿਲ ਕੀਤੀ ਹੈ।
ਇਸ 'ਚ 42,582 ਲੋਕ ਅਜਿਹੇ ਸਨ ਜਿੰਨਾ ਵੀਕਐਂਡ ਦੌਰਾਨ ਦੀ ਇੰਫਲੂਐਂਜ਼ਾ ਵੈਕਸੀਨ ਵਾਕ-ਇਨ ਕਲੀਨਿਕ ਬਲਿਟਸ 'ਚ ਵੈਕਸੀਨ ਹਾਸਿਲ ਕੀਤੀ।
ਸਰਕਾਰ ਦਾ ਕਹਿਣਾ ਹੈ ਕਿ ਵੈਕਸੀਨੇਸ਼ਨ ਦੀ ਇਹ ਮੁਹਿੰਮ ਛੁੱਟੀਆਂ ਤੋਂ ਪਹਿਲਾਂ ਪਰਿਵਾਰਾਂ ਅਤੇ ਬੱਚਿਆਂ ਨੂੰ ਸਹਿਯੋਗ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਵਜੋਂ ਚਲਾਈ ਗਈ ਹੈ।
ਸਰਕਾਰ ਦਾ ਕਹਿਣਾ ਹੈ ਕਿ ਹੁਣ ਸੂਬੇ ਦੀ 30% ਜਨਰਲ ਆਬਾਦੀ/ਕਰੀਬ 1.6 ਮਿਲੀਅਨ ਲੋਕਾਂ ਨੇ ਇੰਫਲੂਐਂਜ਼ਾ ਵੈਕਸੀਨ ਹਾਸਿਲ ਕਰ ਲਈ ਹੈ।
ਸਰਕਾਰ ਦੇ ਅੰਕੜੇ ਅਨੁਸਾਰ 5 ਦਿਸੰਬਰ ਤੋਂ 11 ਦਿਸੰਬਰ ਵਿਚਾਲੇ 6 ਮਹੀਨੇ ਤੋਂ 4 ਸਾਲ ਵਿਚਾਲੇ ਦੇ 9,016 ਬੱਚਿਆਂ ਨੇ ਵੈਕਸੀਨ ਹਾਸਿਲ ਕੀਤੀ ਅਤੇ ਇਸ ਉਮਰ ਵਰਗ ਦੇ ਕੁੱਲ 52,181 ਬੱਚੇ ਵੈਕਸੀਨ ਹਾਸਿਲ ਕਰ ਚੁੱਕੇ ਹਨ।
ਇਸੇ ਤਰ੍ਹਾਂ 5 ਤੋਂ 11 ਸਾਲ ਵਿਚਾਲੇ ਦੇ 10,464 ਬੱਚਿਆਂ ਨੇ 5 ਦਿਸੰਬਰ ਤੋਂ 11 ਦਿਸੰਬਰ ਵਿਚਾਲੇ ਵੈਕਸੀਨ ਹਾਸਿਲ ਕੀਤੀ ਅਤੇ ਇਸ ਉਮਰ ਵਰਗ ਦੇ ਕੁੱਲ 80,737 ਬੱਚੇ ਵੈਕਸੀਨ ਹਾਸਿਲ ਕਰ ਚੁੱਕੇ ਹਨ।
8 ਦਿਸੰਬਰ ਤੋਂ 11 ਦਿਸੰਬਰ ਵਿਚਾਲੇ 12 ਤੋਂ 17 ਸਾਲ ਦੀ ਉਮਰ ਦੇ 3,181 ਲੋਕਾਂ ਨੇ ਵੈਕਸੀਨ ਹਾਸਿਲ ਕੀਤੀ।
ਇਸੇ ਸਮੇਂ ਦੌਰਾਨ 18 ਤੋਂ 64 ਸਾਲ ਦੀ ਉਮਰ ਵਿਚਾਲੇ ਦੇ 20,233 ਲੋਕਾਂ ਨੇ ਵੈਕਸੀਨ ਹਾਸਿਲ ਕੀਤੀ।
