22.25C Vancouver 22.25C VancouverMay 26, 2021 5:30 PM -
ਕੈਨੇਡਾ 'ਚ ਵੈਕਸੀਨੇਸ਼ਨ ਪ੍ਰੀਕਿਰਿਆ ਨੇ ਇੱਕ ਅਹਿਮ ਅੰਕੜਾ ਪਾਰ ਕਰ ਲਿਆ ਹੈ।
ਦੇਸ਼ 'ਚ ਹੁਣ 20 ਮਿਲੀਅਨ ਤੋਂ ਵਧੇਰੇ ਲੋਕਾਂ ਨੂੰ ਵੈਕਸੀਨ ਦੀ ਘਟੋ-ਘੱਟ ਇੱਕ ਖੁਰਾਕ ਹਾਸਿਲ ਹੋ ਚੁੱਕੀ ਹੈ।
ਔਂਟੈਰੀਓ ਨੇ ਅੱਜ ਜਾਣਕਾਰੀ ਸਾਂਝੀ ਕੀਤੀ ਕਿ ਬੀਤੇ ਕੱਲ ਸੂਬੇ 'ਚ 1,35,308 ਲੋਕਾਂ ਨੂੰ ਵੈਕਸੀਨੇਟ ਕੀਤਾ ਗਿਆ ਸੀ, ਜਿਸ 'ਚ 81% ਲੋਕਾਂ ਨੇ ਪਹਿਲੀ ਖੁਰਾਕ ਹਾਸਿਲ ਕੀਤੀ ਸੀ।
ਇਸ ਅੰਕੜੇ ਦੇ ਨਾਲ ਹੀ ਕੈਨੇਡਾ 'ਚ ਵੈਕਸੀਨ ਹਾਸਿਲ ਕਰਨ ਵਾਲੇ ਲੋਕਾਂ ਦੀ ਗਿਣਤੀ 20.05 ਮਿਲੀਅਨ ਤਕ ਪਹੁੰਚ ਗਈ।
ਇਸ ਦਾ ਅਰਥ ਹੈ ਕਿ ਹੁਣ ਕਰੀਬ 63% ਵੈਕਸੀਨ ਹਾਸਿਲ ਕਰ ਸਕਦੇ ਐਲੀਜੀਬਲ ਕਨੇਡੀਅਨ ਲੋਕਾਂ ਨੂੰ ਵੈਕਸੀਨ ਦੀ ਇੱਕ ਖੁਰਾਕ ਹਾਸਿਲ ਹੋ ਚੁੱਕੀ ਹੈ।
ਕੁੱਲ ਅੰਕੜੇ ਅਨੁਸਾਰ ਕਰੀਬ 53% ਲੋਕਾਂ ਨੂੰ ਵੈਕਸੀਨ ਦੀ ਇੱਕ ਖੁਰਾਕ ਹਾਸਿਲ ਹੋ ਚੁੱਕੀ ਹੈ।
ਦੇਸ਼ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ 75% ਲੋਕਾਂ ਦੇ ਘਟੋ-ਘੱਟ ਇੱਕ ਖੁਰਾਕ ਹਾਸਿਲ ਕਰਨ ਅਤੇ 20% ਲੋਕਾਂ ਦੇ ਦੋਵੇਂ ਖੁਰਾਕਾਂ ਹਾਸਿਲ ਕਰਨ ਨੂੰ ਇੱਕ ਮੀਲ-ਪੱਥਰ ਮੰਨਿਆ ਜਾ ਸਕਦਾ ਹੈ, ਜਿਸ ਮੌਕੇ ਬਹੁਤੀਆਂ ਪਬੰਦੀਆਂ ਨੂੰ ਹਟਾਉਣ ਦੀ ਸ਼ੁਰੂਆਤ ਹੋ ਸਕਦੀ ਹੈ।
