13.69C Vancouver 13.69C VancouverMay 1, 2020 2:48 PM -
ਟਿੱਫ ਮੈਕਲਮ, ਜੋ ਕਿ ਬੈਂਕ ਆਫ ਕੈਨੇਡਾ ਵਿੱਚ ਪਹਿਲਾਂ ਸੈਕੰਡ ਇਨ ਕਮਾਂਡ ਹੁੰਦੇ ਸਨ, ਨਵੇਂ ਗਵਰਨਰ ਵਜੋਂ ਚੁਣੇ ਗਏ ਹਨ।
ਮੌਜੂਦਾ ਗਵਰਨਰ ਸਟੀਵਨ ਪੋਲੋਜ਼ ਦੀ 7 ਸਾਲ ਦੀ ਟਰਮ ਖ਼ਤਮ ਹੋ ਜਾਣ ਤੋਂ ਬਾਅਦ ਯੂਨੀਵਰਸਿਟੀ ਆਫ ਟੋਰਾਂਟੋ ਦੇ ਬਿਜ਼ਨਸ ਸਕੂਲ ਦੇ ਡੀਨ, ਮੈਕਲਮ ਸੈਂਟਰਲ ਬੈਂਕ ਦੇ ਗਵਰਨਰ ਵਜੋਂ ਜੂਨ ਦੇ ਸ਼ੁਰੂ ਵਿੱਚ ਵਾਗਡੋਰ ਸੰਭਾਲਣਗੇ।
ਫਾਈਨਾਂਸ ਮਨਿਸਟਰ ਬਿੱਲ ਮੋਰਨੋ ਮੁਤਾਬਕ ਮੈਕਲਮ ਨੂੰ ਫਾਇਨੈਂਸ਼ਲ ਮਾਰਕੀਟ ਦੀ ਡੂੰਘੀ ਜਾਣਕਾਰੀ ਅਤੇ ਮੁਹਾਰਤ ਹੈ ਜਿਸ ਦਾ ਇਸ ਆਰਥਕ ਸੰਕਟ ਦੌਰਾਨ ਸੈਂਟਰਲ ਬੈਂਕ ਨੂੰ ਫਾਇਦਾ ਹੋਵੇਗਾ।
ਬੈਂਕ ਦੀ ਜ਼ਿਮੇਂਵਾਰੀ ਦੇਸ਼ ਵਿੱਚ ਪੈਸੇ ਦੀ ਸਪਲਾਈ ਉੱਤੇ ਕਾਬੂ ਰੱਖਣਾ, ਆਰਥਕ ਵਿਕਾਸ ਨੂੰ ਸਹਿਯੋਗ ਦੇਣਾ ਅਤੇ ਮਹਿੰਗਾਈ ਨੂੰ ਧਿਆਨ ਵਿੱਚ ਰੱਖਦਿਆਂ, ਇੱਕ ਸੰਤੁਲਨ ਬਣਾਕੇ ਰੱਖਣਾ ਹੈ।
