10.01C Vancouver 10.01C VancouverFeb 2, 2022 12:13 AM - The Canadian Press
ਬੀ.ਸੀ. ਦੀ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਨੇ ਅੱਜ ਸੂਬੇ 'ਚ ਹਸਪਤਾਲ 'ਚ ਹੋ ਰਹੇ ਦਾਖਲਿਆਂ ਸੰਬੰਧੀ ਜਾਣਕਾਰੀ ਸਾਂਝੀ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਸੂਬੇ 'ਚ ਇਸ ਵੇਲੇ ਹਸਪਤਾਲ 'ਚ ਦਾਖਿਲ ਹੋ ਰਹੇ ਵਧੇਰੇ ਪੀੜਤ ਓਮੀਕਰੌਨ ਵੇਰੀਐਂਟ ਤੋਂ ਪ੍ਰਭਾਵਿਤ ਹਨ।
ਉਨ੍ਹਾਂ ਕਿਹਾ ਕਿ ਹਸਪਤਾਲ 'ਚ ਦਾਖਿਲ ਲੋਕਾਂ 'ਚ ਵਧੇਰੇ ਗਿਣਤੀ 80 ਸਾਲ ਤੋਂ ਵਧੇਰੀ ਉਮਰ ਦੇ ਲੋਕਾਂ ਦੀ ਹੈ।
ਉਨ੍ਹਾਂ ਕਿਹਾ ਕਿ ਜਿੱਥੇ ਬੀਤੇ ਸਾਲ ਨਵੰਬਰ 'ਚ ਹਸਪਤਾਲ 'ਚ ਦਾਖਿਲ ਵਾਇਰਸ ਪੀੜਤਾਂ ਲਈ ਡੈਲਟਾ ਵੇਰੀਐਂਟ ਵੱਡਾ ਕਾਰਨ ਸੀ, ਉਥੇ ਹੀ ਹੁਣ ਵੱਡੀ ਗਿਣਤੀ 'ਚ ਹਸਪਤਾਲ ਪਹੁੰਚ ਰਹੇ ਵਾਇਰਸ ਪੀੜਤ ਓਮੀਕਰੌਨ ਵੇਰੀਐਂਟ ਤੋਂ ਪ੍ਰਭਾਵਿਤ ਹਨ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਡੈਲਟਾ ਵੇਰੀਐਂਟ ਕਾਰਨ ਹਸਪਤਾਲ ਪਹੁੰਚਦੇ ਪੀੜਤਾਂ ਲਈ ਕ੍ਰਿਟਿਕਲ ਕੇਅਰ ਦੀ ਵਧੇਰੇ ਲੋੜ ਪੈਂਦੀ ਹੈ।
ਉਨ੍ਹਾਂ ਦੱਸਿਆ ਕਿ ਇਸ ਹਫ਼ਤੇ ਹਸਪਤਾਲ 'ਚ 706 ਨਵੇਂ ਦਾਖਿਲੇ ਵੇਖਣ ਨੂੰ ਮਿਲੇ ਹਨ।
ਡਾ. ਬੌਨੀ ਹੈਨਰੀ ਨੇ ਕਿਹਾ ਕਿ ਸੂਬੇ 'ਚ ਹਸਪਤਾਲਾਂ 'ਚ ਹੋ ਰਹੇ ਦਾਖਿਲੇ ਪੀਕ ਕਰ ਚੁੱਕੇ ਹਨ।
