22.85C Vancouver 22.85C VancouverJun 1, 2020 10:16 PM -
ਇੱਕ ਨਵੇਂ ਸਰਵੇਖਣ ਮੁਤਾਬਕ, ਪਿਛਲੀਆਂ ਫੈਡਰਲ ਚੋਣਾਂ ਵਿੱਚ ਖੜੇ ਹੋਏ ਦੋ-ਤਿਹਾਈ ਉਮੀਦਵਾਰਾਂ ਦਾ ਮੰਨਣਾ ਹੈ ਕਿ ਚੋਣ ਪ੍ਰਚਾਰ ਦੌਰਾਨ ਗਲਤ ਜਾਣਕਾਰੀ ਫੈਲਾਈ ਗਈ।
ਇਲੈਕਸ਼ਨ ਕੈਨੇਡਾ ਦੇ ਲਈ ਏਕੋਸ ਰਿਸਰਚ ਐਸੋਸੀਏਟਸ ਵੱਲੋਂ ਕਰਵਾਏ ਗਏ ਇਸ ਸਰਵੇਖਣ ਵਿੱਚ ਸਾਫ ਹੋਇਆ ਕਿ ਜਿਨ੍ਹਾਂ ਉਮੀਦਵਾਰਾਂ ਨੂੰ ਚੋਣ ਪ੍ਰਚਾਰ ਦੌਰਾਨ ਗਲਤ ਜਾਣਕਾਰੀ ਦਾ ਪ੍ਰਸਾਰ ਸਿਰ-ਦਰਦ ਵਜੋਂ ਪ੍ਰਤੀਤ ਹੋਇਆ, ਉਹਨਾਂ ਵਿੱਚੋਂ 30% ਦਾ ਮੰਨਣਾ ਸੀ ਕਿ ਇਸ ਦਾ ਚੋਣ ਦੇ ਨਤੀਜਿਆਂ 'ਤੇ ਪ੍ਰਭਾਵ ਪਿਆ।
ਪੰਜ ਵਿੱਚੋਂ ਤਿੰਨ ਉਮੀਦਵਾਰਾਂ ਦਾ ਮੰਨਣਾ ਸੀ ਕਿ ਵਿਦੇਸ਼ੀ ਮੁਲਕਾਂ ਜਾਂ ਫਿਰ ਸੋਸ਼ਲ ਮੀਡੀਆ ਦੀ ਵਰਤੋਂ ਕਰਨ ਵਾਲੇ ਸੰਗਠਨਾਂ ਵੱਲੋਂ ਕਨੇਡੀਅਨ ਨਾਗਰਿਕਾਂ ਦੀ ਰਾਜਨੀਤਿਕ ਰਾਇ ਨੂੰ ਪ੍ਰਭਾਵਿਤ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ।
ਸਿਰਫ਼ ਇੱਕ-ਤਿਹਾਈ ਉਮੀਦਵਾਰ ਹੀ ਆਨਲਾਇਨ ਵੋਟਿੰਗ ਦੇ ਹੱਕ ਵਿੱਚ ਨਜ਼ਰ ਆਏ।
ਇਸ ਸਰਵੇਖਣ ਵਿੱਚ 25 ਅਕਤੂਬਰ 2019 ਤੋਂ 27 ਨਵੰਬਰ 2019 ਤੱਕ ਕੁੱਲ 1172 ਉਮੀਦਵਾਰਾਂ ਦੀ ਇੰਟਰਵਿਊ ਕੀਤੀ ਗਈ। ਪਿਛਲੀਆਂ ਫੈਡਰਲ ਚੋਣਾਂ ਵਿੱਚ ਕੁੱਲ 2146 ਉਮੀਦਵਾਰਾਂ ਨੇ ਹਿੱਸਾ ਲਿਆ ਸੀ।
ਸਰਵੇਖਣ ਦੇ ਨਤੀਜਿਆਂ ਨੂੰ ਉਮੀਦਵਾਰਾਂ ਦੀ ਉਮਰ ਅਤੇ ਪਾਰਟੀ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਤਿਆਰ ਕੀਤਾ ਗਿਆ। ਇਹ ਵੀ ਦੇਖਿਆ ਗਿਆ ਕਿ ਉਮੀਦਵਾਰ ਪਹਿਲੀ ਵਾਰ ਚੋਣ ਲੜਿਆ ਜਾਂ ਪਹਿਲਾਂ ਵੀ ਲੜ ਚੁੱਕਿਆ ਹੈ।
