12.98C Vancouver 12.98C VancouverApr 23, 2025 3:34 PM - The Canadian Press
ਕੈਲਗਰੀ ਵਿਚ ਤਿੰਨ ਸਾਲ ਪਹਿਲਾਂ ਫਿਟਨੈਸ ਇੰਸਟ੍ਰਕਟਰ ਦਾ ਕਤਲ ਕਰਨ ਵਾਲੇ 29 ਸਾਲਾ ਮਾਈਕਲ ਐਡੇਨੀ ਦੀ ਮਾਂ ਦਾ ਕਹਿਣਾ ਹੈ ਕਿ ਉਹ ਮਾਨਸਿਕ ਬੀਮਾਰੀ ਨਾਲ ਜੂਝ ਰਿਹਾ ਸੀ। ਐਡੇਨੀ ਨੇ ਮਾਰਚ 2022 ਨੂੰ 30 ਸਾਲਾ ਵੈਨੇਸਾ ਲਾਡੋਸਰ ਦਾ ਕਤਲ ਕਰ ਦਿੱਤਾ ਸੀ ਅਤੇ ਉਹ ਫਸਟ ਡਿਗਰੀ ਮਰਡਰ ਨਾਲ ਚਾਰਜ ਹੈ।
ਐਡੇਨੀ ਦੀ ਮਾਂ ਨੇ ਦੱਸਿਆ ਕਿ ਕਰੀਬ ਇਕ ਸਾਲ ਤੋਂ ਉਹ ਮਾਨਸਿਕ ਖਰਾਬੀ ਵਾਲੀਆਂ ਹਰਕਤਾਂ ਕਰ ਰਿਹਾ ਸੀ ਅਤੇ ਉਸ ਨੇ ਡਾਕਟਰ ਦੀ ਮਦਦ ਵੀ ਲਈ ਸੀ। ਐਡੇਨੀ ਨੂੰ ਹਮੇਸ਼ਾ ਲੱਗਦਾ ਸੀ ਕਿ ਉਸ ਕੋਲ ਕੋਈ ਭਿਆਨਕ ਜਾਨਵਰ ਹੈ ਜੋ ਉਸ ਨੂੰ ਮਾਰਨਾ ਚਾਹੁੰਦਾ ਹੈ, ਇਸ ਲਈ ਉਹ ਆਪਣੇ ਕੋਲ ਚਾਕੂ ਰੱਖਦਾ ਸੀ। ਰਸੋਈ ਵਿਚ ਵਰਤੇ ਜਾਣ ਵਾਲੇ ਇਸ ਚਾਕੂ ਨਾਲ ਉਸ ਨੇ ਸੈਰ ਕਰ ਰਹੀ ਲਾਡੋਸਰ 'ਤੇ ਹਮਲਾ ਕਰ ਦਿੱਤਾ ਸੀ।
ਹਾਲਾਂਕਿ ਪੁਲਿਸ ਜਾਂ ਮਨੋਵਿਗਿਆਨੀਆਂ ਵਲੋਂ ਪੁੱਛੇ ਜਾਣ 'ਤੇ ਉਸ ਨੇ ਜਾਨਵਰ ਬਾਰੇ ਕੋਈ ਜ਼ਿਕਰ ਨਹੀਂ ਕੀਤਾ। ਐਡੇਨੀ ਦੇ ਵਕੀਲਾਂ ਦਾ ਕਹਿਣਾ ਹੈ ਕਿ ਮਾਨਸਿਕ ਬੀਮਾਰੀ ਕਾਰਨ ਉਸ 'ਤੇ ਅਪਰਾਧਿਕ ਦੋਸ਼ ਨਹੀਂ ਲਾਏ ਜਾ ਸਕਦੇ। ਫਿਲਹਾਲ ਮਾਮਲਾ ਅਦਾਲਤ ਦੇ ਸਾਹਮਣੇ ਹੈ।
