11.78C Vancouver 11.78C VancouverJul 28, 2025 4:26 PM - The Canadian Press
ਨਾਨਾਇਮੋ ਕੌਂਸਲ ਵਲੋਂ ਸ਼ਹਿਰ ਵਿਚ ਲੋਕਲ ਓਵਰਡੋਜ਼ ਰੋਕਥਾਮ ਸਾਈਟ ਨੂੰ ਬੰਦ ਕਰਨ ਦਾ ਫੈਸਲਾ ਲਿਆ ਜਾ ਸਕਦਾ ਹੈ। ਇਸ ਸਬੰਧ ਵਿਚ ਅੱਜ ਇੱਕ ਕੌਂਸਲਰ ਦੇ ਪ੍ਰਸਤਾਵ 'ਤੇ ਬਹਿਸ ਹੋਵੇਗੀ, ਜੇ ਇਸ ਨੂੰ ਹਰੀ ਝੰਡੀ ਮਿਲ ਜਾਂਦੀ ਹੈ ਤਾਂ ਸੂਬਾਈ ਸਿਹਤ ਅਥਾਰਟੀ ਨੂੰ ਨਾਨਾਇਮੋ ਦੇ ਸਿਟੀ ਹਾਲ ਦੇ ਨਾਲ ਲੱਗਦੀ ਐਲਬਰਟ ਸਟ੍ਰੀਟ 'ਤੇ ਓਵਰਡੋਜ਼ ਰੋਕਥਾਮ ਸਾਈਟ ਨੂੰ ਬੰਦ ਕਰਨ ਲਈ ਕਿਹਾ ਜਾਵੇਗਾ।
ਮੇਅਰ ਲਿਓਨਾਰਡ ਕਰੋਗ ਨੇ ਕਿਹਾ ਕਿ ਪ੍ਰਸਤਾਵ 'ਤੇ ਲੋਕਾਂ ਅਤੇ ਮਾਹਰਾਂ ਦੀ ਰਾਇ ਵੀ ਲਈ ਜਾ ਸਕਦੀ ਹੈ। ਕਿਹਾ ਜਾਂਦਾ ਹੈ ਕਿ ਇਸ ਇੰਜੈਕਸ਼ਨ ਸਾਈਟ ਦੇ ਚੱਲਦੇ ਆਸਪਾਸ ਸੁਰੱਖਿਆ ਨੂੰ ਲੈ ਕੇ ਚਿੰਤਾਵਾਂ ਇੰਨੀਆਂ ਵਧੀਆਂ ਹਨ ਕਿ ਸ਼ਹਿਰ ਦੇ ਸਟਾਫ ਨੇ ਪਹਿਲਾਂ 1.8-ਮੀਟਰ ਉੱਚੀ ਫੈਂਨਸ ਲਗਾਉਣ ਦਾ ਪ੍ਰਸਤਾਵ ਰੱਖਿਆ ਸੀ, ਜਿਸ ਦਾ ਅਨੁਮਾਨਿਤ ਖ਼ਰਚ $412,000 ਲਗਾਇਆ ਗਿਆ ਸੀ ਅਤੇ ਕਮੇਟੀ ਦੀ ਬੈਠਕ ਵਿਚ ਇਸ ਪ੍ਰਸਤਾਵ ਨੂੰ ਰੱਦ ਕਰ ਦਿੱਤਾ ਗਿਆ ਸੀ।
