16.49C Vancouver 16.49C VancouverJul 6, 2022 1:14 AM - The Canadian Press
ਬੀ.ਸੀ. ਹਾਈਵੇਅ ਪੈਟਰੋਲ ਦਾ ਕਹਿਣਾ ਹੈ ਕਿ ਇੱਕ ਮੋਟਰਸਾਈਕਲ ਚਾਲਕ ਦੀ ਇਸ ਵੀਕਐਂਡ ਦੌਰਾਨ ਵਾਪਰੀ ਘਟਨਾ 'ਚ ਮੌਤ ਹੋ ਗਈ ਹੈ।
ਮਾਮਲਾ ਐਤਵਾਰ ਦਾ ਦੱਸਿਆ ਗਿਆ ਹੈ। ਜਾਣਕਾਰੀ ਦਿੱਤੀ ਗਈ ਕਿ ਇੱਕ ਟਰੇਲਰ ਵਿੱਚੋਂ ਨਿਕਲਿਆ ਟਾਇਰ ਇਸ ਮੋਟਰਸਾਈਕਲ ਨਾਲ ਟਕਰਾ ਗਿਆ ਸੀ।
ਘਟਨਾ ਟ੍ਰਾਂਸ ਕੈਨੇਡਾ ਹਾਈਵੇਅ 'ਤੇ ਵਾਪਰੀ ਸੀ।
ਪੁਲਿਸ ਅਨੁਸਾਰ ਘਟਨਾ 'ਚ ਸੂਕ ਦੇ ਰਹਿਣ ਵਾਲੇ ਵਿਅਕਤੀ ਦੀ ਮੌਤ ਹੋ ਗਈ।
ਮੋਟਰਸਾਈਕਲ ਚਾਲਕ ਬਾਰੇ ਦੱਸਿਆ ਗਿਆ ਕਿ ਉਸ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ ਸੀ।
ਪੀੜਤ ਦੀ ਉਮਰ 55 ਸਾਲ ਦੱਸੀ ਗਈ।
ਇਹ ਘਟਨਾ ਰੈਵਲਸਟੋਕ ਦੇ ਪੱਛਮ ਵਾਲੇ ਪਾਸੇ ਕਰੀਬ 34km ਦੀ ਦੂਰੀ 'ਤੇ ਵਾਪਰੀ ਸੀ।
ਸ਼ੁਰੂਆਤੀ ਜਾਂਚ 'ਚ ਸਾਹਮਣੇ ਆਇਆ ਹੈ ਕਿ ਐਲਬਰਟਾ ਦੇ ਇੱਕ ਪਿਕਅਪ ਟਰੱਕ ਵੱਲੋਂ ਇੱਕ ਯੂਟਿਲਿਟੀ ਟਰੇਲਰ ਨੂੰ ਖਿੱਚਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ ਅਤੇ ਇਸੇ ਦੌਰਾਨ ਅਚਾਨਕ ਇੱਕ ਟਾਇਰ ਨਿਕਲ ਗਿਆ ਜੋ ਕਿ ਸਾਹਮਣੇ ਤੋਂ ਆਉਂਦੇ ਟਰੈਫਿਕ 'ਚ ਦਾਖਿਲ ਹੋ ਗਿਆ।
ਇਸ ਦੌਰਾਨ ਮੋਟਰਸਾਈਕਲ ਸਵਾਰ ਇੱਕ ਸਵਾਰੀ ਨੂੰ ਸੱਟਾਂ ਲੱਗੀਆਂ ਜਿਸ ਨੂੰ ਰਾਇਲ ਇਨਲੈਂਡ ਹਸਪਤਾਲ ਪਹੁੰਚਾਇਆ ਗਿਆ।
