15.64C Vancouver 15.64C VancouverAug 7, 2026 7:25 PM - Connect Newsroom - Ramandeep Kaur with files from The Canadian Press
ਸਰੀ ਪੁਲਿਸ ਸਰਵਿਸ ਵੱਲੋਂ ਜਾਰੀ ਤਾਜ਼ਾ ਅਪਡੇਟ ਮੁਤਾਬਕ, ਸ਼ੁੱਕਰਵਾਰ ਤੜਕੇ ਇੱਕ ਕਾਰ ਅਤੇ ਮੋਟਰਸਾਈਕਲ ਵਿਚਕਾਰ ਹੋਈ ਟੱਕਰ ਦੀ ਜਾਂਚ ਬੀ.ਸੀ. ਦੇ Independent Investigations Office ਵਲੋਂ ਆਪਣੇ ਹੱਥਾਂ ਵਿਚ ਲੈ ਲਈ ਗਈ ਹੈ।
ਐਸ.ਪੀ.ਐਸ. ਮੁਤਾਬਕ, ਇਹ ਹਾਦਸਾ ਤੜਕੇ ਲਗਭਗ 3:30 ਵਜੇ ਉਸ ਵੇਲੇ ਵਾਪਰਿਆ ਜਦੋਂ ਇੱਕ ਪੁਲਿਸ ਔਫੀਸਰ ਨੇ ਟਰਾਂਸ-ਕੈਨੇਡਾ ਹਾਈਵੇਅਤੇ 104 ਐਵੇਨਿਊ ਆਫਰੈਂਪ ਨੇੜੇ ਇੱਕ ਤੇਜ਼ ਰਫ਼ਤਾਰ ਮੋਟਰਸਾਈਕਲ ਨੂੰ ਰੋਕਣ ਦੀ ਕੋਸ਼ਿਸ਼ ਕੀਤੀ ਪਰ ਮੋਟਰਸਾਈਕਲ ਸਵਾਰ ਰੁਕਣ ਦੀ ਬਜਾਏ ਟ੍ਰੈਫਿਕ ਵਿਚ ਗਲਤ ਦਿਸ਼ਾ ਵੱਲ ਭੱਜ ਨਿਕਲਿਆ ਅਤੇ ਸਾਹਮਣੇ ਤੋਂ ਆ ਰਹੀ ਇੱਕ ਆਮ ਨਾਗਰਿਕ ਦੀ ਕਾਰ ਨਾਲ ਟਕਰਾ ਗਿਆ।
ਬੀ.ਸੀ.ਐਮਰਜੈਂਸੀ ਹੈਲਥ ਸਰਵਿਸਿਜ਼ ਵੱਲੋਂ ਮੋਟਰਸਾਈਕਲ ਚਾਲਕ ਨੂੰ ਗੰਭੀਰ ਪਰ ਗੈਰ-ਜਾਨਲੇਵਾ ਸੱਟਾਂ ਨਾਲ ਹਸਪਤਾਲ ਦਾਖਲ ਕਰਵਾਇਆ ਗਿਆ, ਜਦੋਂ ਕਿ ਕਾਰ ਸਵਾਰ ਬਿਲਕੁਲ ਸੁਰੱਖਿਅਤ ਸੀ। ਇਹ ਘਟਨਾ ਪੁਲਿਸ ਦੀ ਕਾਰਵਾਈ ਦੌਰਾਨ ਵਾਪਰੀ ਹੋਣ ਕਾਰਨ Independent Investigations Office ਨੇ ਇਸ ਮਾਮਲੇ ਦੀ ਜਾਂਚ ਦਾ ਜਿੰਮਾ ਸੰਭਾਲਿਆ ਹੈ।
