ਰਿਚਮੰਡ ਵਿਚ ਹਥਿਆਰ ਦੀ ਨੋਕ ’ਤੇ ਔਰਤ ਕੋਲੋਂ ਲੁੱਟ-ਖੋਹ ਵਾਲੇ ਸ਼ੱਕੀ ਦੀ ਪੁਲਿਸ ਵਲੋਂ ਭਾਲ ਜਾਰੀ

ਰਿਚਮੰਡ ਵਿਚ ਹਥਿਆਰ ਦੀ ਨੋਕ ’ਤੇ ਏ.ਟੀ.ਐਮ ਤੋਂ ਔਰਤ ਕੋਲੋਂ ਲੁੱਟ-ਖੋਹ ਵਾਲੇ ਸ਼ੱਕੀ ਦੀ ਪੁਲਿਸ ਵਲੋਂ ਭਾਲ ਕੀਤੀ ਜਾ ਰਹੀ ਹੈ।ਪੁਲਿਸ ਮੁਤਾਬਕ 10 ਦਸੰਬਰ ਨੂੰ ਰਾਤ ਕਰੀਬ 9 ਵਜੇ ਲੈਂਸਡਾਊਨ ਸੈਂਟਰ ਮਾਲ ਦੇ ਏ.ਟੀ.ਐਮ ’ਤੇ ਸ਼ੱਕੀ ਨੇ ਔਰਤ ’ਤੇ ਬੰਦੂਕ ਤਾਣ ਕੇ ਉਸ ਕੋਲੋਂ ਪੈਸੇ ਲੁੱਟੇ।

ਰਿਪੋਰਟ ਮੁਤਾਬਕ ਔਰਤ ਪੈਸੇ ਕਢਵਾ ਰਹੀ ਸੀ ਅਤੇ ਲੁਟੇਰੇ ਨੇ ਪਿੱਛਿਓਂ ਆ ਕੇ ਉਸ ’ਤੇ ਬੰਦੂਕ ਤਾਣ ਦਿੱਤੀ ਅਤੇ ਉਸ ਕੋਲੋਂ $250 ਲੁੱਟ ਕੇ ਫਰਾਰ ਹੋ ਗਿਆ। ਜਦ ਤੱਕ ਪੁਲਿਸ ਇੱਥੇ ਪੁੱਜੀ, ਲੁਟੇਰਾ ਇੱਥੋਂ ਫਰਾਰ ਹੋ ਗਿਆ ਸੀ।

ਔਫੀਸਰਜ਼ ਮੁਤਾਬਕ ਸ਼ੱਕੀ ਦਾ ਕੱਦ 5 ਫੁੱਟ 6 ਇੰਚ ਹੈ। ਉਸ ਦੇ ਵਾਲਾਂ ਦਾ ਰੰਗ ਕਾਲਾ ਹੈ। ਜਦ ਉਸ ਨੇ ਇਸ ਵਾਰਦਾਤ ਨੂੰ ਅੰਜਾਮ ਦਿੱਤਾ, ਉਸ ਨੇ ਕਾਲੀ ਜੈਕਟ, ਮਾਸਕ, ਕਾਲੀ ਪੈਂਟ ਅਤੇ ਫਿੱਕੇ ਰੰਗ ਦਾ ਬੈਕਪੈਕ ਲਿਆ ਸੀ।

ਪੁਲਿਸ ਵਲੋਂ ਸੀ.ਸੀ.ਟੀ.ਵੀ. ਤਸਵੀਰ ਜਾਰੀ ਕਰਦਿਆਂ ਉਸ ਦੀ ਪਛਾਣ ਕਰਨ ਵਿਚ ਲੋਕਾਂ ਨੂੰ ਮਦਦ ਕਰਨ ਦੀ ਅਪੀਲ ਕੀਤੀ ਗਈ ਹੈ। ਜੇਕਰ ਕਿਸੇ ਕੋਲ ਉਸ ਸਬੰਧੀ ਜਾਣਕਾਰੀ ਹੋਵੇ ਤਾਂ ਉਹ ਪੁਲਿਸ ਨੂੰ 604-278-1212 ’ਤੇ ਫੋਨ ਕਰਕੇ ਮਦਦ ਕਰ ਸਕਦਾ ਹੈ।