13.56C Vancouver 13.56C VancouverDec 23, 2024 5:26 PM - The Canadian Press
ਬੀ.ਸੀ.ਪਾਰਕਾਂ ਤੋਂ ਚੋਰੀ ਹੋਏ $20,000 ਤੋਂ ਵੱਧ ਮੁੱਲ ਦੇ ਉਪਕਰਣ ਸੀ-ਟੂ-ਸਕਾਈ ਆਰ.ਸੀ.ਐੱਮ.ਪੀ. ਨੇ ਸਕੁੈਮਿਸ਼ ਵੈਲੀ ਵਿਚ ਬਰਾਮਦ ਕੀਤੇ ਹਨ। ਪੁਲਿਸ ਨੇ ਕਿਹਾ ਕਿ ਚੋਰੀ ਦੀ ਵਾਰਦਾਤ ਦੋ ਵੱਖ-ਵੱਖ ਮੌਕਿਆਂ ’ਤੇ ਹੋਈ ਸੀ। ਵਿਸਲਰ ਆਰ.ਸੀ.ਐੱਮ.ਪੀ ਨੂੰ ਸਭ ਤੋਂ 18 ਅਕਤੂਬਰ ਨੂੰ ਬੀ.ਸੀ.ਪਾਰਕਾਂ ਦੇ ਸਟੋਰੇਜ਼ ਯੂਨਿਟ ਵਿਚ ਸਾਮਾਨ ਚੋਰੀ ਹੋਣ ਦੀ ਸੂਚਨਾ ਮਿਲੀ ਸੀ, ਫਿਰ 21 ਨਵੰਬਰ ਨੂੰ ਇੱਕ ਗੱਡੀ ਵਿਚੋਂ ਚੋਰੀ ਹੋਣ ਦੀ ਰਿਪੋਰਟ ਮਿਲੀ।
ਇਹ ਦੋਵੇਂ ਹੀ ਘਟਨਾਵਾਂ ਰਾਤ ਸਮੇਂ ਹੋਈਆਂ ਸਨ। ਚੋਰੀ ਹੋਏ ਸਾਮਾਨ ਵਿਚ ਖੋਜ ਅਤੇ ਬਚਾਅ ਉਪਕਰਣ ਸ਼ਾਮਲ ਸਨ।
ਸੀ-ਟੂ-ਸਕਾਈ ਆਰ.ਸੀ.ਐੱਮ.ਪੀ. ਨੇ ਕਿਹਾ ਕਿ ਉਹ ਇੱਕ ਵੱਖਰੇ ਮਾਮਲੇ ਦੀ ਜਾਂਚ ਦੇ ਸੰਬੰਧ ਵਿਚ ਸਕੁੈਮਿਸ਼ ਵੈਲੀ ਖੇਤਰ ਵਿਚ ਕਾਰਵਾਈ ਕਰ ਰਹੀ ਸੀ ਜਦੋਂ ਇਹ ਉਪਕਰਣ ਬਰਾਮਦ ਹੋਏ। ਫਿਲਹਾਲ ਪੁਲਿਸ ਵਲੋਂ ਇਸ ਮਾਮਲੇ ਨਾਲ ਜੁੜੇ ਸ਼ੱਕੀਆਂ ਸਬੰਧੀ ਕੋਈ ਡਿਟੇਲਸ ਨਹੀਂ ਦਿੱਤੀ ਗਈ ਹੈ।
