ਕੈਨੇਡਾ ਦੇ ਐਮ ਪੀਜ਼ ਨੇ ਚੁੱਕੀ ਡਰਾਈਵਰਾਂ ਦੇ ਹੱਕ 'ਚ ਆਵਾਜ਼

ਕੈਨੇਡਾ ਦੇ ਹਾਊਸ ਆਫ਼ ਕਾਮਨਜ਼ ਦੀ ਟਰਾਂਸਪੋਰਟ ਕਮੇਟੀ ਟਰੱਕਿੰਗ ਇੰਡਸਟਰੀ ਵਿਚ ਡਰਾਈਵਰਾਂ ਨੂੰ ਕਰਮਚਾਰੀ ਦੀ ਬਜਾਏ ਸੁਤੰਤਰ ਠੇਕੇਦਾਰ ਦੱਸਣ ਵਾਲੇ ਇੰਡਸਟਰੀ ਬਿਜ਼ਨਸ ਮਾਡਲ ਦੀ ਸਟੱਡੀ ਲੌਂਚ ਕਰ ਰਹੀ ਹੈ। ਇਸ ਸਟੱਡੀ ਲਈ ਘੱਟੋ-ਘੱਟ 6 ਬੈਠਕਾਂ ਹੋਣਗੀਆਂ ਅਤੇ ਕਮੇਟੀ ਵਲੋਂ ਟਰਾਂਸਪੋਰਟ ਮੰਤਰੀ ਅਤੇ ਲੇਬਰ ਤੇ ਰੇਵੈਨਿਊ ਲਈ ਸੈਕਟਰੀ ਔਫ ਸੈਕਟਰੀ ਨੂੰ ਗਵਾਹੀ ਦੇਣ ਲਈ ਬੁਲਾਇਆ ਜਾਵੇਗਾ।

ਟਰੱਕਿੰਗ ਸੈਕਟਰ ਵਿਚ ਡਰਾਈਵਰਾਂ ਦੇ ਸ਼ੋਸ਼ਣ ਦਾ ਮੁੱਦਾ ਬਲਾਕ ਕਿਊਬੈਕਵਾ ਵਲੋਂ ਉਠਾਇਆ ਗਿਆ ਸੀ। ਬਲਾਕ ਕਿਊਬੈਕਵਾ ਦੇ ਸੰਸਦ ਮੈਂਬਰ ਜ਼ੇਵੀਅਰ ਬਾਰਸਾਲੋ-ਡੁਵਾਲ ਜੋ ਕਿ ਪਾਰਟੀ ਦੇ ਟ੍ਰਾਂਸਪੋਰਟ ਆਲੋਚਕ ਹਨ ਉਨ੍ਹਾਂ ਇੰਡਸਟਰੀ ਵਿਚ ਚੱਲ ਰਹੇ ਇਸ ਸਿਸਟਮ ਨੂੰ ਅਣਉਚਿਤ ਕਿਰਤ ਅਭਿਆਸ ਕਰਾਰ ਦਿੱਤਾ। ਜ਼ੇਵੀਅਰ ਨੇ ਫੈਡਰਲ ਸਰਕਾਰ ਨੂੰ ਡਰਾਈਵਰਾਂ ਦੇ ਸੋਸ਼ਣ ਦੀ ਅਧਿਕਾਰਤ ਜਾਂਚ ਸ਼ੁਰੂ ਕਰਨ ਅਤੇ ਅਸਥਾਈ ਵਿਦੇਸ਼ੀ ਕਰਮਚਾਰੀਆਂ ਨੂੰ ਇਨਕੋਰਪੋਰੇਟਡ ਡਰਾਈਵਰਾਂ ਵਜੋਂ ਕਲਾਸੀਫਾਈਡ ਕਰਨ 'ਤੇ ਰੋਕ ਲਗਾਉਣ ਦੀ ਮੰਗ ਕੀਤੀ ਹੈ।