12.05C Vancouver 12.05C VancouverNov 17, 2025 1:17 PM - Connect Newsroom - Ramandeep Kaur with files from The Canadian Press
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਦੀ ਸਰਕਾਰ ਦੇ ਪਹਿਲੇ ਬਜਟ 'ਤੇ ਅੱਜ ਹਾਊਸ ਔਫ ਕੌਮਨਜ਼ ਵਿਚ ਅਹਿਮ ਵੋਟਿੰਗ ਹੋਣ ਜਾ ਰਹੀ ਹੈ। ਇਹ ਵੋਟ ਸਰਕਾਰ ਲਈ ਵਿਸ਼ਵਾਸ ਵੋਟ ਹੈ। ਲਿਬਰਲ ਪਾਰਟੀ ਘੱਟ ਗਿਣਤੀ ਵਿਚ ਹੈ,ਜਿਸ ਦਾ ਮਤਲਬ ਹੈ ਕਿ ਬਜਟ 2025 ਨੂੰ ਪਾਸ ਕਰਵਾਉਣ ਲਈ ਉਨ੍ਹਾਂ ਨੂੰ ਘੱਟੋ-ਘੱਟ ਇੱਕ ਹੋਰ ਵਿਰੋਧੀ ਪਾਰਟੀ ਜਾਂ ਕੁਝ ਵਿਰੋਧੀ ਐਮ.ਪੀਜ਼ ਦੇ ਸਮਰਥਨ ਦੀ ਲੋੜ ਹੈ।
ਜੇ ਸਰਕਾਰ ਇਸ ਵੋਟ ਵਿਚ ਹਾਰ ਜਾਂਦੀ ਹੈ ਤਾਂ ਲਿਬਰਲਸ ਦੀ ਘੱਟ ਗਿਣਤੀ ਸਰਕਾਰ ਡਿੱਗ ਜਾਵੇਗੀ ਅਤੇ ਦੇਸ਼ ਵਿਚ ਦੁਬਾਰਾ ਚੋਣਾਂ ਹੋ ਸਕਦੀਆਂ ਹਨ। ਕੰਜ਼ਰਵੇਟਿਵ ਅਤੇ ਬਲਾਕ ਕਿਊਬੈਕਵਾ ਪਹਿਲਾਂ ਹੀ ਐਲਾਨ ਕਰ ਚੁੱਕੇ ਹਨ ਕਿ ਉਹ ਬਜਟ ਦੇ ਖਿਲਾਫ ਵੋਟ ਕਰਨਗੇ ਕਿਉਂਕਿ ਉਹ ਇਸ ਨੂੰ ਅਸਥਿਰ ਅਤੇ ਮਹਿੰਗਾਈ ਵਧਾਉਣ ਵਾਲਾ ਮੰਨਦੇ ਹਨ।
ਐਨ.ਡੀ.ਪੀ.ਜਿਨ੍ਹਾਂ ਦੇ ਐਮ.ਪੀਜ਼ ਦੇ ਵੋਟ ਹੁਣ ਤੱਕ ਲਿਬਰਲਸ ਲਈ ਅਹਿਮ ਰਹੇ ਹਨ, ਉਨ੍ਹਾਂ ਦਾ ਅੰਤਿਮ ਫੈਸਲਾ ਸਰਕਾਰ ਦੀ ਕਿਸਮਤ ਤੈਅ ਕਰੇਗਾ। ਸਰਕਾਰ ਇਸ ਤੋਂ ਪਹਿਲਾਂ ਬਜਟ ਨਾਲ ਜੁੜੇ ਕੰਜ਼ਰਵੇਟਿਵ ਅਤੇ ਬਲਾਕ ਕਿਊਬੈਕਵਾ ਦੇ ਸੋਧਾਂ 'ਤੇ ਵਿਸ਼ਵਾਸ ਵੋਟ ਨੂੰ ਸਫ਼ਲਤਾਪੂਰਵਕ ਪਾਰ ਕਰ ਚੁੱਕੀ ਹੈ ਪਰ ਅੱਜ ਦੀ ਵੋਟ ਫਾਈਨਲ ਅਤੇ ਸਭ ਤੋਂ ਜ਼ਰੂਰੀ ਹੈ।
