25.11C Vancouver 25.11C VancouverOct 18, 2023 6:37 PM - Connect News
ਕੈਨੇਡਾ ਦੇ ਪੈਰੋਲ ਬੋਰਡ ਨੇ ਮੁਖਤਿਆਰ ਸਿੰਘ ਪੰਘਾਲੀ ਨੂੰ ਪੂਰੀ ਪੈਰੋਲ ਦੇ ਦਿੱਤੀ ਹੈ।
ਦਰਅਸਲ 2006 ਵਿੱਚ ਪੰਘਾਲੀ ਨੇ ਆਪਣੀ ਗਰਭਵਤੀ ਪਤਨੀ ਦਾ ਗਲਾ ਘੁੱਟ ਕੇ ਉਸ ਦੀ ਲਾਸ਼ ਨੂੰ ਸਾੜ ਦਿੱਤਾ ਸੀ।
ਸਰੀ ਸਥਿਤ ਆਪਣੇ ਘਰ ਵਿੱਚ ਆਪਣੀ ਪਤਨੀ ਮਨਜੀਤ ਪੰਘਾਲੀ ਦਾ ਕਤਲ ਕਰਨ ਦੇ ਦੋਸ਼ ਵਿੱਚ ਮੁਖ਼ਤਿਆਰ ਨੂੰ 2011 ਵਿੱਚ ਉਮਰ ਕੈਦ ਦੀ ਸਜ਼ਾ ਹੋਈ ਸੀ, ਜਿਸ ਵਿੱਚ 15 ਸਾਲ ਤੱਕ ਪੈਰੋਲ ਨਾ ਮਿਲਣ ਦੀ ਸੰਭਾਵਨਾ ਵੀ ਸ਼ਾਮਲ ਸੀ।
ਅਕਤੂਬਰ 2006 ਵਿੱਚ ਮਨਜੀਤ ਚਾਰ ਮਹੀਨਿਆਂ ਦੀ ਗਰਭਵਤੀ ਸੀ।
ਮੁਖ਼ਤਿਆਰ ਨੇ ਆਪ ਹੀ ਉਸਦੇ ਲਾਪਤਾ ਹੋਣ ਦੀ ਰਿਪੋਰਟ ਕਰਾਈ ਸੀ।
ਪੰਜ ਦਿਨਾਂ ਬਾਅਦ ਪੁਲਿਸ ਨੂੰ ਮਨਜੀਤ ਦੀ ਸੜ੍ਹੀ ਹੋਈ ਲਾਸ਼ ਬੀਸੀ ਦੇ ਡੈਲਟਾ ਇਲਾਕੇ ਚ ਪੈਂਦੇ ਇੱਕ ਬੀਚ ਤੋਂ ਮਿਲੀ ਸੀ, ਜਿਸ ਤੋਂ ਬਾਅਦ ਮੁਖ਼ਤਿਆਰ ਨੂੰ ਅਪਰਾਧ ਲਈ ਪਹਿਲੀ ਵਾਰੀ 2007 ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ ਅਤੇ 2012 ਵਿੱਚ ਉਹ ਦੂਜੇ ਦਰਜੇ ਦੇ ਕਤਲ ਦੇ ਦੋਸ਼ ਵਿੱਚ ਉਮਰ ਕੈਦ ਦੀ ਸਜ਼ਾ ਖਿਲਾਫ਼ ਕੀਤੀ ਅਪੀਲ ਹਾਰ ਗਿਆ।
ਮੁਖ਼ਤਿਆਰ ਨੂੰ ਪਿਛਲੇ ਸਾਲ ਡੇਅ ਪੈਰੋਲ ਮਿਲੀ ਸੀ ਅਤੇ 2012 ਵਿੱਚ ਉਸਨੂੰ ਜੇਲ ਤੋਂ ਅਸਥਾਈ ਗ਼ੈਰ-ਹਾਜ਼ਰੀ ਦੀ ਇਜਾਜ਼ਤ ਮਿਲੀ ਸੀ।
ਬੋਰਡ ਅਨੁਸਾਰ 51 ਸਾਲ ਦੇ ਮੁਖ਼ਤਿਆਰ ਸਿੰਘ ਪੰਘਾਲੀ ਨੂੰ ਆਪਣੇ ਅਪਰਾਧ ਦਾ ਅਫ਼ਸੋਸ ਹੈ।
