11.97C Vancouver 11.97C VancouverApr 5, 2022 11:11 PM - Connect News
ਰਿਚਮੰਡ ਆਰ.ਸੀ.ਐਮ.ਪੀ. ਦੇ ਇਕਨੌਮਿਕ ਕਰਾਈਮ ਯੂਨਿਟ ਵੱਲੋਂ ਅਕਤੂਬਰ 2020 'ਚ ਸ਼ੁਰੂ ਕੀਤੀ ਗਈ ਇੱਕ ਜਾਂਚ ਦੇ ਮਾਮਲੇ 'ਚ 4 ਲੋਕਾਂ ਖਿਲਾਫ ਧੋਖਾਧੜੀ ਸੰਬੰਧਤ ਦੋਸ਼ ਲੱਗੇ ਹਨ।
ਇਸ ਮਲਟੀਪਲ ਜਿਊਰਿਸਡਿਕਸ਼ਨ ਜਾਂਚ 'ਚ ਰਿਚਮੰਡ, ਵੈਨਕੂਵਰ, ਸਰੀ, ਲੈਂਗਲੀ, ਕਰੈਨਬਰੂਕ, ਕੈਮਲੂਪਸ, ਕੈਲੋਨਾ ਅਤੇ ਰਜਾਈਨਾ ਜਿਹੇ ਇਲਾਕੇ ਸ਼ਾਮਿਲ ਸਨ।
ਇਸ ਜਾਂਚ ਦੌਰਾਨ ਮਲਟੀਪਲ ਸਰਚ ਵਰੰਟਾਂ ਨੂੰ ਅੰਜਾਮ ਦਿੱਤਾ ਗਿਆ।
ਇਹ ਧੋਖਾਧੜੀ ਸੰਬੰਧਤ ਰਿੰਗ ਕਥਿਤ ਤੌਰ 'ਤੇ ਰਿਚਮੰਡ ਅਤੇ ਵੈਨਕੂਵਰ ਨਾਲ ਸੰਬੰਧਤ ਸੀ।
ਮਾਮਲੇ 'ਚ ਬੀ.ਸੀ. ਪ੍ਰਾਸੀਕਿਊਸ਼ਨ ਸਰਵਿਸ ਨੇ ਕੁੱਲ 24 ਦੋਸ਼ ਤੈਅ ਕੀਤੇ ਹਨ।
ਇਸ 'ਚ ਫਰੌਡ, ਫੋਰਜਰੀ, ਪੋਜ਼ੈਸ਼ਨ ਆਫ ਪ੍ਰਾਪਰਟੀ ਔਬਟੇਂਡ ਫਰੌਮ ਕਰਾਈਮ ਅਤੇ ਹਥਿਆਰ ਦੀ ਗੈਰਅਧਿਕਾਰਿਤ ਪੋਜ਼ੈਸ਼ਨ ਦੇ ਦੋਸ਼ ਲੱਗੇ ਹਨ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਸ਼ੱਕੀਆਂ ਦੀ ਪਛਾਣ ਸਰੀ ਦੇ ਕ੍ਰਿਸਟੋਫਰ ਬਰਕਬੈਕ, ਔਂਟੈਰੀਓ ਦੇ ਮਾਈਕਲ ਰਿਡਲੀ, ਰਿਚਮੰਡ ਦੇ ਰਿਚਰਡ ਯੇਲਟਾਟਜੀ ਅਤੇ ਵੈਨਕੂਵਰ ਦੇ ਆਇਰਨ ਬੋਰੋਵਿਕ ਵਜੋਂ ਹੋਈ ਹੈ।
ਦਰਅਸਲ ਸਾਲ 2020 'ਚ ਰਿਚਮੰਡ 'ਚ ਇੱਕ ਘਰ ਨੂੰ ਧੋਖੇ ਨਾਲ ਉਸ ਦੇ ਮਾਲਿਕ ਦੀ ਕਿਸੇ ਜਾਣਕਾਰੀ ਬਗੈਰ ਵੇਚ ਦਿੱਤਾ ਗਿਆ ਸੀ।
ਉਸੇ ਮੌਕੇ ਮਾਮਲੇ 'ਚ ਜਾਂਚ ਅਰੰਭੀ ਗਈ ਸੀ।
ਰਿਚਮੰਡ ਆਰ.ਸੀ.ਐਮ.ਪੀ. ਵੱਲੋਂ ਜਾਰੀ ਜਾਣਕਾਰੀ ਪੜ੍ਹਨ ਲਈ ਲਿੰਕ ਕਲਿਕ ਕਰੋ:
https://bc-cb.rcmp-grc.gc.ca/ViewPage.action?siteNodeId=2087&languageId=1&contentId=74115
