13.12C Vancouver 13.12C VancouverDec 22, 2021 8:12 PM - The Canadian Press
ਬੀ.ਸੀ. ਦੇ ਸੈਂਟਰਲ ਇੰਟੀਰੀਅਰ ਇਲਾਕੇ 'ਚ ਇੱਕ ਔਰਤ ਦੀ ਮੌਤ ਦੇ ਮਾਮਲੇ 'ਚ ਇੱਕ ਵਿਅਕਤੀ ਦੇ ਦੋਸ਼ ਲੱਗੇ ਹਨ।
ਔਰਤ ਦਾ ਮ੍ਰਿਤ ਸ਼ਰੀਰ ਇੱਕ ਘਰ 'ਚ ਮਿਲਿਆ ਸੀ ਅਤੇ ਹੁਣ ਮਾਮਲੇ ਸੰਬੰਧੀ ਸੈਕਿੰਡ ਡਿਗਰੀ ਕਤਲ ਦੇ ਦੋਸ਼ ਲਗਾਏ ਗਏ ਹਨ।
ਨੌਰਥ ਡਿਸਟ੍ਰਿਕਟ ਆਰ.ਸੀ.ਐਮ.ਪੀ. ਅਨੁਸਾਰ 19 ਸਾਲ ਲੜਕੀ ਦੀ ਮੌਤ ਦੀ ਪੁਸ਼ਟੀ ਸੋਮਵਾਰ ਨੂੰ ਕੀਤੀ ਗਈ ਸੀ।
ਪੁਲਿਸ ਅਤੇ ਪੈਰਾਮੈਡਿਕਸ ਨੂੰ ਵਿਲੀਅਮਸ ਲੇਕ ਦੇ ਕੋਲ ਇੱਕ ਫਰਸਟ ਨੇਸ਼ਨ ਕਮਿਊਨਿਟੀ 'ਚ ਸੱਦਿਆ ਗਿਆ ਸੀ।
ਮੌਕੇ ਤੋਂ ਇੱਕ 23 ਸਾਲਾ ਯੁਵਕ ਨੂੰ ਹਿਰਾਸਤ 'ਚ ਲਿਆ ਗਿਆ ਸੀ।
ਵਿਅਕਤੀ ਦਾ ਨਾਮ ਵੇਲਨ ਹੈਰੀ ਦੱਸਿਆ ਗਿਆ ਹੈ। ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਸੀ ਕਿ ਦੋਵੇਂ ਇੱਕ-ਦੂਜੇ ਨੂੰ ਜਾਣਦੇ ਸਨ।
ਉਸ ਨੂੰ ਹਿਰਾਸਤ 'ਚ ਰੱਖਿਆ ਗਿਆ ਹੈ ਅਤੇ ਕੋਰਟ ਦਸਤਾਵੇਜ ਦਰਸ਼ਾਉਂਦੇ ਹਨ ਕਿ ਉਸ ਦੀ ਵੀਡੀਓ ਕਾਨਫਰੰਸ ਜਰੀਏ 12 ਜਨਵਰੀ ਨੂੰ ਪੇਸ਼ੀ ਹੋਵੇਗੀ।
