13.76C Vancouver 13.76C VancouverAug 8, 2022 9:26 PM - The Canadian Press
ਨਿਊਫਿਨਲੈਂਡ ਅਤੇ ਲੈਬਰੇਡੌਰ 'ਚ ਵੱਡੀ ਵਾਈਲਡਫਾਇਰ ਕਾਰਨ ਕਈ ਕਮਿਊਨਿਟੀਸ 'ਚ ਸਟੇਟ ਆਫ ਐਮਰਜੈਂਸੀ ਐਲਾਨ ਦਿੱਤੀ ਗਈ ਹੈ।
ਇਸੇ ਵਿਚਾਲੇ ਹਾਰਬਰ ਬਰੈਂਟਨ ਦੇ ਇਲਾਕੇ ਦੇ ਡਿਪਟੀ ਮੇਅਰ ਰੌਏ ਡਰੇਕ ਨੇ ਦੱਸਿਆ ਹੈ ਕਿ ਇਲਾਕੇ 'ਚ ਸਥਿਤ 3 ਗਰੋਸਰੀ ਸਟੋਰਾਂ 'ਚ ਖਾਣਪੀਣ ਦੀ ਸਮਗਰੀ ਅਗਲੇ ਇੱਕ-ਦੋ ਦਿਨ 'ਚ ਖਤਮ ਹੋ ਜਾਵੇਗੀ।
ਇਸ ਕਮਿਊਨਿਟੀ ਦੀ ਆਬਾਦੀ ਕਰੀਬ 1,600 ਦੱਸੀ ਗਈ ਹੈ ਅਤੇ ਇਸ ਕਮਿਊਨਿਟੀ ਨਾਲ ਵਾਈਲਡਫਾਇਰ ਕਾਰਨ ਸੰਪਰਕ ਟੁੱਟ ਚੁੱਕਿਆ ਹੈ।
ਇਸ ਇਲਾਕੇ 'ਚ ਬਲਦੀ ਵਾਈਲਡਫਾਇਰ ਨੂੰ ਕਰੀਬ 6 ਦਹਾਕਿਆਂ 'ਚ ਸਭ ਤੋਂ ਭਿਆਨਕ ਦੱਸਿਆ ਗਿਆ ਹੈ।
ਸੂਬਾ ਸਰਕਾਰ ਦਾ ਕਹਿਣਾ ਹੈ ਕਿ ਇੱਕ ਫੈਰੀ ਦਾ ਪ੍ਰਬੰਧ ਕੀਤਾ ਜਾ ਰਿਹਾ ਹੈ, ਜਿਸ ਨਾਲ ਸੰਪਰਕ ਤੋਂ ਬਾਹਰ ਹੋਈਆਂ ਕਮਿਊਨਿਟੀਸ ਤਕ ਸਪਲਾਈਸ ਪਹੁੰਚਾਈਆਂ ਜਾ ਸਕਣ ਅਤੇ ਲੋਕਾਂ ਨੂੰ ਇਲਾਕੇ ਤੋਂ ਬਾਹਰ ਨਿਕਲਣ 'ਚ ਮਦਦ ਕੀਤੀ ਜਾ ਸਕੇ।
ਇਸ ਫੈਰੀ ਦੇ ਕੱਲ ਤਕ ਪ੍ਰਭਾਵਿਤ ਇਲਾਕੇ 'ਚ ਪਹੁੰਚਣ ਦੀ ਆਸ ਹੈ।
ਹਾਲਾਂਕਿ ਇਸ ਨੂੰ ਪਹਿਲਾਂ ਹਾਰਬਰ ਬਰੈਂਟਨ ਤੋਂ ਕਰੀਬ 50km ਦੀ ਦੂਰੀ 'ਤੇ ਸਥਿਤ ਟਾਊਨ 'ਚ ਪਹੁੰਚਾਇਆ ਜਾਵੇਗਾ ਅਤੇ ਇਸ ਇਲਾਕੇ 'ਚ ਵੀ ਸਪਲਾਈਸ ਦੀ ਕਮੀ ਦੱਸੀ ਗਈ ਹੈ।
