15.65C Vancouver 15.65C VancouverSep 14, 2021 10:24 PM -
ਨੋਵਾ ਸਕੌਸ਼ੀਆ ਦੇ ਵਿੱਚ ਇੱਕ ਟਰੈਵਲ ਟ੍ਰੇਲਰ 'ਚ ਲੱਗੀ ਅੱਗ 'ਚ 6 ਲੋਕਾਂ ਦੀ ਮੌਤ ਹੋ ਗਈ।
ਹੁਣ ਘਟਨਾ ਦੇ ਪੀੜਤਾਂ ਦੀ ਪਛਾਣ ਜਨਤਕ ਕੀਤੀ ਗਈ ਹੈ।
ਪੀੜਤ 30 ਸਾਲਾ ਵਿਅਕਤੀ ਦੀ ਪਛਾਣ ਰੌਬਰਟ ਜੌਰਜ ਸੀਅਰਸ ਨਾਮ ਦੇ ਵਿਅਕਤੀ ਵਜੋਂ ਹੋਈ ਹੈ।
ਉਸ ਦੇ ਇੱਕ ਦੋਸਤ ਦਾ ਕਹਿਣਾ ਹੈ ਕਿ ਇਹ ਪਰਿਵਾਰ ਉਸ ਦੇ ਨੋਵਾ ਸਕੌਸ਼ੀਆ ਦੇ ਫਾਰਮ ਹਾਊਸ 'ਚ ਕਿਰਾਏ 'ਤੇ ਰਹਿੰਦਾ ਸੀ।
ਕੌਲਿਨ ਸਮਿਥ ਨੇ ਦੱਸਿਆ ਕਿ ਪੀੜਤ ਵਿਅਕਤੀ ਸਖਤ ਮਹਿਨਤ ਕਰਨ ਵਾਲਾ ਅਤੇ ਪਰਿਵਾਰ ਦਾ ਧਿਆਨ ਰੱਖਣ ਵਾਲਾ ਵਿਅਕਤੀ ਸੀ।
ਇਸ ਘਟਨਾ 'ਚ ਉਸ ਦੀ 28 ਸਾਲਾ ਪਾਰਟਨਰ ਮਿਸ਼ੈਲ ਰੌਬਰਟਸਨ ਦੀ ਵੀ ਮੌਤ ਹੋ ਗਈ।
ਘਟਨਾ 'ਚ ਜਾਨ ਗਵਾਉਣ ਵਾਲੇ 4 ਬੱਚਿਆਂ ਦੀ ਪਛਾਣ 3 ਸਾਲਾ ਕੌਲਿਨ ਜੇ, 4 ਸਾਲਾ ਜੈਕਸਨ, 11 ਸਾਲਾ ਮੈਡੀਸਨ ਅਤੇ 8 ਸਾਲਾ ਰੌਬਰਟ ਰਾਈਡਰ ਵਜੋਂ ਹੋਈ ਹੈ।
ਇਹ ਘਟਨਾ ਐਮਹਰਸਟ ਦੇ ਦੱਖਣਪੂਰਬ 'ਚ ਕਰੀਬ 50km ਦੀ ਦੂਰੀ 'ਤੇ ਸਥਿਤ ਮਿਲਵੈਲ ਦੇ ਇਲਾਕੇ 'ਚ ਐਤਵਾਰ ਸ਼ਾਮ ਕਰੀਬ 6.30 ਵਜੇ ਵਾਪਰੀ ਸੀ।
ਅੱਗ ਲੱਗਣ ਦੀ ਇਸ ਘਟਨਾ ਨੂੰ ਸ਼ੱਕੀ ਨਹੀਂ ਮੰਨਿਆ ਜਾ ਰਿਹਾ।
