7.95C Vancouver 7.95C VancouverJun 8, 2022 7:14 PM - The Canadian Press
ਨੋਵਾ ਸਕੌਸ਼ੀਆ ਆਰ.ਸੀ.ਐਮ.ਪੀ. ਦੀ ਸਾਬਕਾ ਡਾਇਰੈਕਟਰ ਆਫ ਸਟ੍ਰੇਟਜੀਕ ਕਮਿਊਨੀਕੇਸ਼ਨਸ ਨੇ ਅੱਜ ਆਖਿਆ ਕਿ ਕਮਿਊਨੀਕੇਸ਼ਨਸ ਪ੍ਰੋਸੀਜਰਸ 'ਚ ਬਦਲਾਅ ਦੀ ਲੋੜ ਹੈ।
ਅੱਜ ਪਬਲਿਕ ਇੰਕਵਾਇਰੀ ਸਾਹਮਣੇ ਆਪਣੀ ਗੱਲ ਰੱਖਦੇ ਹੋਏ ਲੀਆ ਸਕੈਨਲਨ ਕਾਫੀ ਭਾਵੁਕ ਹੋ ਗਈ।
ਉਨ੍ਹਾਂ ਦੇ ਅੱਥਰੂ ਰੋਕਿਆਂ ਨਹੀਂ ਰੁਕ ਰਹੇ ਸਨ।
ਅਪ੍ਰੈਲ 2020 'ਚ ਇੱਕ ਆਦਮੀ ਵੱਲੋਂ 22 ਲੋਕਾਂ ਦਾ ਕਤਲ ਕਰ ਦਿੱਤਾ ਗਿਆ ਸੀ।
ਇਨ੍ਹਾਂ ਮੌਤਾਂ ਸੰਬੰਧੀ ਇੰਕਵਾਇਰੀ ਸਾਹਮਣੇ ਗੱਲਬਾਤ ਕਰਦਿਆਂ ਲੀਆ ਸਕੈਨਲਨ ਨੇ ਕਿਹਾ ਕਿ ਉਸ ਘਟਨਾ ਦੌਰਾਨ ਵਰਤੇ ਗਏ ਪ੍ਰੋਸੀਜਰਸ ਕਾਰਨ ਅਹਿਮ ਡਿਲੇਅ ਹੋਏ ਸਨ।
ਹਾਲਾਂਕਿ ਬੀਤੇ ਸਾਲ ਸਿਤੰਬਰ 'ਚ ਜਾਂਚ ਅਧਿਕਾਰੀਆਂ ਸਾਹਮਣੇ ਉਸ ਨੇ ਕੁਝ ਹੋਰ ਬਿਆਨ ਦਿੱਤੇ ਸਨ।
ਉਸ ਮੌਕੇ ਲੀਆ ਸਕੈਨਲਨ ਦਾ ਕਹਿਣਾ ਸੀ ਕਿ ਘਟਨਾ ਵਾਲੇ ਦਿਨ ਉਸ ਨੇ ਕੁਝ ਵੀ ਵੱਖਰੇ ਢੰਗ ਨਾਲ ਨਹੀਂ ਕੀਤਾ ਹੋਣਾ ਸੀ।
ਉਨ੍ਹਾਂ ਦੇ ਇਸ ਬਿਆਨ 'ਤੇ ਕਾਫੀ ਆਲੋਚਨਾ ਹੋਈ ਸੀ।
ਯਾਦ ਰਹੇ ਆਰ.ਸੀ.ਐਮ.ਪੀ. ਨੂੰ ਲੋਕਾਂ ਨੂੰ ਚੇਤਾਵਨੀ ਦੇਣ 'ਚ 3 ਘੰਟੇ ਤੋਂ ਵਧੇਰੇ ਸਮਾਂ ਲੱਗਿਆ ਸੀ ਕਿ ਕਾਤਲ ਪੁਲਿਸ ਵਾਹਨ ਜਿਹੀ ਵਿੱਖਣ ਵਾਲੀ ਗੱਡੀ 'ਚ ਸਵਾਰ ਸੀ।
