13.51C Vancouver 13.51C VancouverAug 29, 2023 6:56 PM - The Canadian Press
ਨੌਰਥ ਵੈਸਟ ਟੈਰਿਟ੍ਰੀਜ਼ ਵਿੱਚ 3 ਅਕਤੂਬਰ ਨੂੰ ਵੋਟਾਂ ਪੈਣੀਆਂ ਸਨ ਪਰ ਹੁਣ ਖੇਤਰੀ ਚੋਣਾਂ 14 ਨਵੰਬਰ ਨੂੰ ਹੋਣਗੀਆਂ।
ਵਿਧਾਇਕਾਂ ਨੇ ਚੋਣਾਂ ਨੂੰ ਛੇ ਹਫ਼ਤੇ ਅੱਗੇ ਪਾਉਣ ਦੇ ਪੱਖ ਵਿੱਚ ਵੋਟ ਪਾਈ ਹੈ।
ਜੰਗਲੀ ਅੱਗਾਂ ਕਰਕੇ ਵੋਟਾਂ ਅੱਗੇ ਪਾਈਆਂ ਗਈਆਂ ਹਨ।
ਨੌਰਥ ਵੈਸਟ ਟੈਰਿਟ੍ਰੀਜ਼ ਦੇ ਮੁੱਖ ਚੋਣ ਅਫਸਰ ਨੇ ਚੋਣਾਂ ਨੂੰ ਅੱਗੇ ਪਾਉਣ ਦਾ ਸੁਝਾਅ ਦਿੱਤਾ ਸੀ।
ਮੌਜੂਦਾ ਨੌਰਥ ਵੈਸਟ ਟੈਰਿਟ੍ਰੀਜ਼ ਲਈ ਅੱਗ ਬੁਝਾਉਣ ਦਾ ਬਜਟ ਲਗਭਗ $22 ਮਿਲੀਅਨ ਹੈ।
ਖੇਤਰੀ ਵਿਧਾਨ ਸਭਾ ਦੇ ਮੈਂਬਰਾਂ ਨੇ ਇਹ ਫੈਸਲਾ ਯੈਲੋਨਾਈਫ ਦੀ ਖੇਤਰੀ ਰਾਜਧਾਨੀ ਦੀ ਬਜਾਏ ਇਨੁਵਿਕ ਦੇ ਟਾਊਨ ਹਾਲ ਵਿਚ ਆਯੋਜਿਤ ਇੱਕ ਖ਼ਾਸ ਸੈਸ਼ਨ ਵਿੱਚ ਲਿਆ।
ਜ਼ਿਆਦਾਤਰ ਵਿਧਾਇਕਾਂ ਨੇ ਜ਼ੂਮ ਰਾਹੀਂ ਇਸ ਮੀਟਿੰਗ ਵਿੱਚ ਸ਼ਿਰਕਤ ਕੀਤੀ ਸੀ।
ਗੌਰਤਲਬ ਹੈ ਕਿ ਨੌਰਥ ਵੈਸਟ ਟੈਰਿਟ੍ਰੀਜ਼ ਵਿੱਚ ਸਰਕਾਰ ਰਾਜਨੀਤਿਕ ਪਾਰਟੀਆਂ ਤੋਂ ਬਿਨਾਂ ਇੱਕ ਸਹਿਮਤੀ ਪ੍ਰਣਾਲੀ ਦੁਆਰਾ ਕੰਮ ਕਰਦੀ ਹੈ, ਜਿਸ ਵਿੱਚ ਚੁਣੇ ਗਏ ਮੈਂਬਰ ਆਪਣੇ ਵਿੱਚੋਂ ਕਿਸੇ ਇੱਕ ਨੂੰ ਪ੍ਰੀਮੀਅਰ ਚੁਣਦੇ ਹਨ।
