29.7C Vancouver 29.7C VancouverMar 29, 2021 8:37 PM -
ਫੈਡਰਲ ਇਮਿਊਨਾਈਜ਼ੇਸ਼ਨ ਮਾਹਿਰਾਂ ਵੱਲੋਂ ਔਕਸਫਰਡ-ਐਸਟ੍ਰਾਜ਼ੈਨਕਾ ਕੋਵਿਡ-19 ਵੈਕਸੀਨ ਸੰਬੰਧੀ ਸਿਫਾਰਸ਼ਾਂ 'ਚ ਤਬਦੀਲੀ ਕਰ ਦਿੱਤੀ ਗਈ ਹੈ।
ਨੈਸ਼ਨਲ ਐਡਵਾਈਜ਼ਰੀ ਕਮੇਟੀ ਔਨ ਇਮਿਊਨਾਈਜ਼ੇਸ਼ਨ ਦਾ ਕਹਿਣਾ ਹੈ ਕਿ ਹੁਣ ਇਸ ਵੈਕਸੀਨ ਨੂੰ 55 ਸਾਲ ਤੋਂ ਘਟ ਉਮਰ ਦੇ ਲੋਕਾਂ ਨੂੰ ਪ੍ਰਦਾਨ ਨਹੀਂ ਕੀਤਾ ਜਾਵੇਗਾ।
ਬੀਤੇ ਮਹੀਨੇ ਇਸ ਵੈਕਸੀਨ ਨੂੰ 18 ਸਾਲ ਅਤੇ ਉਸ ਤੋਂ ਵਧੇਰੀ ਉਮਰ ਦੇ ਲੋਕਾਂ ਲਈ ਮਨਜ਼ੂਰੀ ਦਿੱਤੀ ਗਈ ਸੀ।
ਹਾਲਾਂਕਿ ਉਸ ਵੇਲੇ ਵੈਕਸੀਨ ਕਮੇਟੀ ਦਾ ਕਹਿਣਾ ਸੀ ਕਿ ਐਡਲਟ ਲੋਕਾਂ 'ਤੇ ਜ਼ਰੂਰਤ ਅਨੁਸਾਰ ਕਲੀਨੀਕਲ ਟ੍ਰਾਇਲ ਨਹੀਂ ਕੀਤੇ ਗਏ ਸਨ, ਜਿਸ ਦੇ ਨਾਲ ਪਤਾ ਲਗ ਸਕੇ ਕਿ 65 ਸਾਲ ਤੋਂ ਵਧੇਰੀ ਉਮਰ ਦੇ ਲੋਕਾਂ 'ਤੇ ਇਸ ਦਾ ਕਿਵੇਂ ਦਾ ਪ੍ਰਭਾਵ ਰਹੇਗਾ।
ਹੈਲਥ ਕੈਨੇਡਾ ਦੀ ਚੀਫ਼ ਮੈਡਿਕਲ ਐਡਵਾਈਜ਼ਰ, ਡਾ. ਸੁਪ੍ਰਿਯਾ ਸ਼ਰਮਾ ਦਾ ਕਹਿਣਾ ਹੈ ਕਿ ਹੁਣ ਤਕ ਕੈਨੇਡਾ 'ਚ ਬਲੱਡ ਕਲੌਟਿੰਗ ਜਿਹੇ ਕੋਈ ਮਾਮਲੇ ਰਿਪੋਰਟ ਨਹੀਂ ਹੋਏ ਹਨ।
ਪਰ ਉਨ੍ਹਾਂ ਕਿਹਾ ਕਿ ਹੁਣ ਵੈਕਸੀਨ ਨਿਰਮਾਤਾਵਾਂ ਨੂੰ ਉਮਰ ਅਤੇ ਲਿੰਗ 'ਤੇ ਅਧਾਰਿਤ ਕਨੇਡੀਅਨ ਅਧਾਰ 'ਤੇ ਵਿਸਤਾਰ 'ਚ ਅਸੈਸਮੈਂਟ ਕਰਨ ਦੀ ਲੋੜ ਹੋਵੇਗੀ।
