11.3C Vancouver 11.3C VancouverApr 29, 2021 9:40 PM -
ਨਨਾਈਮੋ 'ਚ ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਔਰਤ ਨਾਲ ਕਰੀਬ 27,000 ਡਾਲਰ ਦੀ ਠੱਗੀ ਵੱਜ ਗਈ ਹੈ ਅਤੇ ਉਨ੍ਹਾਂ ਦੱਸਿਆ ਕਿ ਔਰਤ ਨੂੰ ਕੋਈ ਆਸ ਨਹੀਂ ਹੈ ਕਿ ਉਸ ਦਾ ਪੈਸਾ ਵਾਪਿਸ ਮੁੜ ਸਕੇਗਾ।
ਇਹ ਔਰਤ ਇੱਕ ਲੌਟਰੀ ਸਕੈਮ ਦਾ ਨਿਸ਼ਾਨਾ ਬਣ ਗਈ ਜਿਸ ਦੌਰਾਨ ਉਸ ਨੂੰ ਦੱਸਿਆ ਗਿਆ ਸੀ ਕਿ ਉਸ ਨੇ 750 ਮਿਲੀਅਨ ਡਾਲਰ ਦੀ ਰਾਸ਼ੀ ਜਿੱਤ ਲਈ ਹੈ।
ਪੁਲਿਸ ਨੇ ਦੱਸਿਆ ਕਿ ਪੀੜਤ ਔਰਤ ਨੂੰ ਬੀਤੇ ਮਹੀਨੇ ਕਈ ਵਾਰ ਕਾਲਸ ਆਈਆਂ ਅਤੇ ਉਸ ਨੂੰ ਇੱਕ ਵਿਅਕਤੀ ਨੇ ਦੱਸਿਆ ਕਿ ਉਸ ਨੇ ਲੌਟਰੀ ਦਾ ਗ੍ਰੈਂਡ ਇਨਾਮ ਜਿੱਤ ਲਿਆ ਹੈ।
ਉਸ ਨੂੰ ਦੱਸਿਆ ਗਿਆ ਕਿ ਇਹ ਰਕਮ ਹਾਸਿਲ ਕਰਨ ਲਈ ਉਸ ਨੂੰ ਕੁਝ ਟੈਕਸਾਂ ਦੀ ਐਡਵਾਂਸ 'ਚ ਭਰਪਾਈ ਕਰਨੀ ਪਵੇਗੀ।
ਇਸ ਤੋਂ ਬਾਅਦ ਅਗਲੇ 3 ਹਫ਼ਤਿਆਂ ਦੌਰਾਨ ਉਸ ਨੇ ਕਰੀਬ 16,000 ਡਾਲਰ ਕੈਸ਼ ਅਤੇ ਕਰੀਬ $10,200 ਦੇ ਗਿਫਟ ਕਾਰਡ ਉੱਤਰੀ ਅਮਰੀਕਾ ਦੇ ਵੱਖੋ-ਵੱਖਰੇ ਪਤਿਆਂ 'ਤੇ ਭੇਜ ਦਿੱਤੇ।
ਬਾਅਦ 'ਚ ਕਿਸੇ ਦੇ ਸੰਪਰਕ ਨਾ ਕਰਨ 'ਤੇ ਔਰਤ ਨੇ ਆਪਣੇ ਇੱਕ ਪਰਿਵਾਰਿਕ ਮੈਂਬਰ ਨੂੰ ਦੱਸਿਆ ਤਾਂ ਉਨ੍ਹਾਂ ਔਰਤ ਨੂੰ ਦੱਸਿਆ ਕਿ ਉਸ ਨਾਲ ਠੱਗੀ ਵੱਜ ਗਈ ਹੈ।
ਪੀੜਤ ਔਰਤ ਦੀ ਪਛਾਣ ਜਨਤਕ ਨਹੀਂ ਕੀਤੀ ਗਈ ਹੈ।
ਨਨਾਈਮੋ ਆਰ.ਸੀ.ਐਮ.ਪੀ. ਦਾ ਟਵੀਟ:
Nanaimo woman loses thousands in Lotto #SCAM https://bc-cb.rcmp-grc.gc.ca/ViewPage.action?siteNodeId=876&languageId=1&contentId=69261
