9.73C Vancouver 9.73C VancouverNov 25, 2021 1:21 AM - The Canadian Press
ਟਰੂਡੋ ਲਿਬਰਲਸ ਨੇ ਕੋਵਿਡ-19 ਤੋਂ ਇਕਨੌਮਿਕ ਰਿਕਵਰੀ ਸੰਬੰਧੀ ਸਹਾਈ ਪੈਕੇਜ ਦਾ ਐਲਾਨ ਕੀਤਾ ਹੈ।
ਸਰਕਾਰ ਦਾ ਕਹਿਣਾ ਹੈ ਕਿ ਪੈਂਡੈਮਿਕ ਕਾਰਨ ਬੇਹੱਦ ਬੁਰੀ ਤਰ੍ਹਾਂ ਪ੍ਰਭਾਵਿਤ ਹੋਏ ਵਪਾਰਾਂ ਅਤੇ ਲੌਕਡ-ਡਾਊਨ ਵਰਕਰਾਂ ਨੂੰ ਟਾਰਗੈਟਿਡ ਸੱਪੋਰਟ ਪ੍ਰਦਾਨ ਕੀਤੀ ਜਾਵੇਗੀ ਅਤੇ ਇਨ੍ਹਾਂ ਨੂੰ ਕੁਝ ਦਿਨ ਪਹਿਲਾਂ ਖਤਮ ਹੋਏ ਬੈਨਫਿਟ ਕੁਝ ਹੋਰ ਹਫਤਿਆਂ ਲਈ ਪ੍ਰਦਾਨ ਕੀਤੇ ਜਾਣਗੇ।
ਇਸ ਸੰਬੰਧੀ ਹਾਊਸ ਆਫ ਕਾਮਨਜ਼ 'ਚ ਅੱਜ ਇੱਕ ਲੈਜਿਸਲੇਸ਼ਨ ਪੇਸ਼ ਕੀਤੀ ਗਈ ਹੈ।
ਸਰਕਾਰ ਨੂੰ ਆਸ ਹੈ ਕਿ ਸਰਦੀ ਦੀ ਛੁੱਟੀ ਤੋਂ ਪਹਿਲਾਂ ਪਾਰਲੀਅਮੈਂਟ 'ਚ ਇਹ ਬਿੱਲ ਪਾਸ ਹੋ ਸਕੇ।
ਲਿਬਰਲਸ ਨੇ ਪੇਸ਼ਕਸ਼ ਕੀਤੀ ਹੈ ਕਿ ਕੋਵਿਡ-19 ਸੰਬੰਧੀ ਪਬਲਿਕ ਹੈਲਥ ਲੌਕਡਾਊਨ ਕਾਰਨ ਕਾਰਨ ਖੁਦ ਨੂੰ ਬੇਰੁਜ਼ਗਾਰ ਮੰਨਣ ਵਾਲੇ ਲੋਕ ਪ੍ਰਤੀ ਹਫਤਾ $300 ਹਾਸਿਲ ਕਰ ਸਕਣਗੇ।
ਅਜਿਹਾ ਹੁਣ ਤੋਂ ਸਾਲ 2022 ਦੀ ਬਸੰਤ ਰੁੱਤ ਤਕ ਜਾਰੀ ਰਵੇਗਾ।
ਇਹ ਪੇਮੈਂਟਾਂ 24 ਅਕਤੂਬਰ ਤੋਂ ਰੈਟਰੋਐਕਟਿਵ ਰਹਿਣਗੀਆਂ ਜਦ ਲਿਬਰਲਸ ਨੇ ਪੈਂਡੈਮਿਕ ਸੰਬੰਧੀ ਲਾਭ ਦੇਣਾ ਬੰਦ ਕੀਤਾ ਸੀ।
ਕੈਨੇਡਾ ਰਿਕਵਰੀ ਬੈਨੀਫਿਟ ਦੇ ਸਿਕਨੈਸ ਅਤੇ ਕੇਅਰਗਿਵਰ ਬੈਨੀਫਿਟ ਨੂੰ ਰਿਵਾਈਵ ਕੀਤਾ ਜਾਵੇਗਾ ਅਤੇ ਇਹ 7 ਮਈ ਤਕ ਜਾਰੀ ਰਹਿਣਗੇ।
ਵਪਾਰਾਂ ਲਈ ਵੇਜ ਅਤੇ ਰੈਂਟ ਸਬਸਿਡੀ ਨੂੰ ਟੂਰਿਜ਼ਮ, ਕਲਚਰ ਅਤੇ ਹਾਸਪੀਟੈਲਿਟੀ ਸੈਕਟਰਸ ਦੇ ਲਈ ਲਾਗੂ ਕੀਤਾ ਜਾਵੇਗਾ।
ਹਾਲਾਂਕਿ ਇਹ ਲਾਭ ਸਿਨੇਮਾ ਘਰਾਂ, ਆਰਕੇਡਸ, ਕਸੀਨੋ ਅਤੇ ਜਿਮਸ ਨੂੰ ਵੀ ਦਿੱਤੇ ਜਾਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਇਸ ਸੰਬੰਧੀ ਜਾਣਕਾਰੀ ਅੱਜ ਡਿਪਟੀ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਨੇ ਦਿੱਤੀ।
ਉਨ੍ਹਾਂ ਕਿਹਾ ਕਿ ਦੇਸ਼ ਪੈਂਡੈਮਿਕ ਦੀ ਮਾਰ ਤੋਂ ਉਭਰ ਰਿਹਾ ਹੈ ਅਤੇ ਹੁਣ ਲੋੜ ਹੈ ਕਿ ਲੋੜ ਅਨੁਸਾਰ ਹੀ ਬੈਨੀਫਿਟਸ ਦਿੱਤੇ ਜਾਣ।
