15.06C Vancouver 15.06C VancouverSep 26, 2022 9:38 PM - The Canadian Press
ਨੌਰਥ ਵੈਨਕੂਵਰ ਦੀ ਇੱਕ ਰਨਰ ਦਾ ਕਹਿਣਾ ਹੈ ਕਿ ਜਦ ਉਹ ਸਮਝ ਗਈ ਕਿ ਟਰੇਨਿੰਗ ਦਾ ਅਨੰਦ ਕਿਸ ਪ੍ਰਕਾਰ ਨਾਲ ਮਾਨਣਾ ਹੈ ਤਾਂ ਉਸੇ ਵੇਲੇ ਤੋਂ ਉਸ ਦੀ ਪ੍ਰਫਾਰਮੈਂਸ ਬਿਹਤਰ ਹੋਣ ਲੱਗੀ ਅਤੇ ਇਸੇ ਦੇ ਚਲਦਿਆਂ ਉਹ ਕਨੇਡੀਅਨ ਮੈਰਾਥਨ ਰਿਕਾਰਡ ਤੋੜਨ 'ਚ ਕਾਮਯਾਬ ਹੋਈ।
ਇਸ ਰਨਰ ਦਾ ਨਾਮ ਨਤਾਸ਼ਾ ਵੋਡੈਕ ਹੈ।
ਨਤਾਸ਼ਾ ਵੋਡੈਕ ਨੇ ਐਤਵਾਰ ਨੂੰ ਬਰਲਿਨ ਮੈਰਾਥਨ 'ਚ ਕਨੇਡੀਅਨ ਨੈਸ਼ਨਲ ਰਿਕਾਰਡ ਸਥਾਪਿਤ ਕੀਤਾ।
ਉਹ ਪ੍ਰਤੀਯੋਗਤਾ 'ਚ 12ਵੇਂ ਸਥਾਨ 'ਤੇ ਰਹੀ।
40 ਸਾਲਾ ਰਨਰ ਨੇ ਮੈਰਾਥਨ 2 ਘੰਟੇ, 23 ਮਿੰਟ ਅਤੇ 12 ਸੈਕਿੰਡਸ ਵਿੱਚ ਪੂਰੀ ਕੀਤੀ।
ਉਨ੍ਹਾਂ ਸਾਲ 2020 'ਚ ਮਾਲਿੰਡੀ ਐਲਮੋਰ ਵੱਲੋਂ ਸਥਾਪਿਤ ਕੀਤਾ ਰਿਕਾਰਡ ਕਰੀਬ ਡੇਢ ਮਿੰਟ ਦੀ ਬਿਹਤਰੀ ਕਰਦੇ ਹੋਏ ਤੋੜ ਦਿੱਤਾ।
ਵੋਡੈਕ ਦਾ ਕਹਿਣਾ ਸੀ ਕਿ ਸਾਲ 2013 'ਚ ਉਨ੍ਹਾਂ ਆਪਣੀ ਪਹਿਲੀ ਮੈਰਾਥਨ ਨੂੰ ਬਹੁਤ ਐਨਜੌਏ ਨਹੀਂ ਕੀਤਾ ਸੀ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਉਮਰ ਵਧਣ ਦੇ ਨਾਲ ਅਤੇ ਵਧੇਰੇ ਤਜਰਬੇ ਨਾਲ ਉਹ ਅਨੁਸ਼ਾਸਨ 'ਚ ਆ ਗਈ ਅਤੇ ਅਭਿਆਸ ਦਾ ਅਨੰਦ ਮਾਨਣ ਲੱਗੀ।
