ਸੀ.ਬੀ.ਐਸ.ਏ. ਦੀ ਇਮੀਗ੍ਰੇਸ਼ਨ ਧੋਖਾਧੜੀ ਜਾਂਚ ਵਿੱਚ ਸਸਕੈਚਵਨ ਦੇ ਵਿਅਕਤੀ ਨੂੰ ਹੋਈ ਸਜ਼ਾ

ਕੈਨੇਡਾ ਬਾਰਡਰ ਸਰਵਿਸਿਜ਼ ਏਜੰਸੀ ਵਲੋਂ ਇੱਕ ਇਮੀਗ੍ਰੇਸ਼ਨ ਫਰੌਡ ਦੇ ਮਾਮਲੇ ਵਿਚ ਕੀਤੀ ਗਈ ਜਾਂਚ ਦੇ ਸਬੰਧ ਵਿਚ ਸਸਕੈਚਵਨ ਵਿਚ ਇੱਕ ਪੰਜਾਬੀ ਮੂਲ ਦੇ ਵਿਅਕਤੀ ਨੂੰ ਦੋ ਸਾਲ ਤੋਂ ਇੱਕ ਦਿਨ ਘੱਟ ਦੀ Conditional ਸਜ਼ਾ ਸੁਣਾਈ ਗਈ ਹੈ। ਸੀ.ਬੀ.ਐਸ.ਏ. ਵਲੋਂ ਸ਼ੁੱਕਰਵਾਰ ਨੂੰ ਜਾਰੀ ਕੀਤੀ ਗਈ ਰਿਲੀਜ਼ ਮੁਤਾਬਕ, ਬਲਵੀਰ ਸਿੰਘ ਨੂੰ $10,000 ਦਾ ਜੁਰਮਾਨਾ ਵੀ ਲਗਾਇਆ ਗਿਆ ਹੈ।

ਇਸ ਮਾਮਲੇ ਵਿਚ ਜਾਂਚ 2018 ਵਿਚ ਸ਼ੁਰੂ ਹੋਈ ਸੀ। ਸੀ.ਬੀ.ਐਸ.ਏ. ਮੁਤਾਬਕ, ਕੈਨੇਡਾ ਭਰ ਤੋਂ ਬਾਰਡਰ ਸਰਵਿਸ ਔਫੀਸਰ ਨੂੰ ਸਸਕੈਟੂਨ-ਅਧਾਰਤ ਇੱਕ non-profit ਸੰਸਥਾ ਲਈ ਅਸਾਧਾਰਨ ਤੌਰ 'ਤੇ ਵੱਡੀ ਗਿਣਤੀ ਵਿਚ immigration applications ਮਿਲੀਆਂ ਸਨ। ਸੀ.ਬੀ.ਐਸ.ਏ. ਨੇ ਸਸਕੈਚਵਨ ਸਰਕਾਰ ਨਾਲ ਮਿਲ ਕੇ ਜਾਂਚ ਵਿਚ ਅਜਿਹੇ ਵਿਦੇਸ਼ੀ ਨਾਗਰਿਕਾਂ ਦੀ ਪਛਾਣ ਕੀਤੀ ਜੋ ਬਲਵੀਰ ਸਿੰਘ ਰਾਹੀਂ ਗਲਤ ਜਾਣਕਾਰੀ ਦੇ ਕੇ ਕੈਨੇਡਾ ਆਏ ਸਨ।

ਕੈਨੇਡਾ ਪਹੁੰਚ ਕੇ ਇਹਨਾਂ ਵਿਚੋਂ ਕਈ ਲੋਕ ਆਪਣੇ ਵਰਕ ਪਰਮਿਟ ਦੇ ਨਿਯਮਾਂ ਦੇ ਉਲਟ ਜਾ ਕੇ ਡਿਲੀਵਰੀ, ਕੰਸਟ੍ਰਕਸ਼ਨ ਅਤੇ ਰੈਸਟੋਰੈਂਟ ਇੰਡਸਟਰੀ ਵਿਚ ਕੰਮ ਕਰਨ ਲੱਗ ਪਏ ਸਨ। ਜਾਂਚ ਵਿਚ ਇਹ ਵੀ ਸਾਹਮਣੇ ਆਇਆ ਕਿ ਬਲਵੀਰ ਸਿੰਘ ਇਮੀਗ੍ਰੇਸ਼ਨ ਸਪਾਂਸਰਸ਼ਿਪ ਦੇ ਬਦਲੇ ਇਨ੍ਹਾਂ ਵਿਦੇਸ਼ੀ ਨਾਗਰਿਕ ਤੋਂ $40,000 ਤੱਕ ਦੀ ਮੋਟੀ ਰਕਮ ਵਸੂਲਦਾ ਸੀ।