ਨੈਸ਼ਨਲ ਬੈਂਕ ਆਫ ਕੈਨੇਡਾ ਖਰੀਦੇਗਾ ਐਡਮਿੰਟਨ ਦਾ ਕੈਨੇਡੀਅਨ ਵੈਸਟਰਨ ਬੈਂਕ

ਕੈਨੇਡਾ ਦੇ 6ਵੇਂ ਵੱਡੇ ਬੈਂਕ ਨੈਸ਼ਨਲ ਬੈਂਕ ਆਫ ਕੈਨੇਡਾ ਨੇ ਐਡਮੰਟਨ ਸਥਿਤ ਕੈਨੇਡੀਅਨ ਵੈਸਟਰਨ ਬੈਂਕ ਨੂੰ ਖਰੀਦਣ ਦੀ ਪ੍ਰਮੁੱਖ ਰੈਗੂਲੇਟਰੀ ਰੁਕਾਵਟ ਪਾਰ ਕਰ ਲਈ ਹੈ।

ਮਾਂਟਰੀਅਲ ਅਧਾਰਤ ਬੈਂਕ ਨੇ ਵੀਰਵਾਰ ਨੂੰ ਇੱਕ ਬਿਆਨ ਵਿਚ ਕਿਹਾ ਕਿ ਉਸ ਨੂੰ ਮੁਕਾਬਲਾ ਬਿਊਰੋ ਤੋਂ ਡੀਲ ਦੀ ਮਨਜ਼ੂਰੀ ਮਿਲ ਗਈ ਹੈ, ਜਿਸ ਨਾਲ ਉਸ ਦਾ ਵੈਸਟਰਨ ਬੈਂਕ ਦੇ ਪ੍ਰਾਪਤੀ ਦਾ ਰਸਤਾ ਸਾਫ ਹੋ ਗਿਆ ਹੈ। ਹਾਲਾਂਕਿ, ਲੈਣ-ਦੇਣ ਸਬੰਧੀ ਬੈਂਕਿੰਗ ਰੈਗੂਲੇਟਰ ਅਤੇ ਵਿੱਤ ਮੰਤਰੀ ਤੋਂ ਮਨਜ਼ੂਰੀ ਲੈਣੀ ਬਾਕੀ ਹੈ।

ਨੈਸ਼ਨਲ ਬੈਂਕ ਵਲੋਂ ਲਗਭਗ $5 ਬਿਲੀਅਨ ਵਿਚ ਵੈਸਟਰਨ ਬੈਂਕ ਨੂੰ ਖਰੀਦਿਆ ਜਾ ਰਿਹਾ ਹੈ। ਨੈਸ਼ਨਲ ਬੈਂਕ ਆਫ ਕੈਨੇਡਾ ਦੇ ਸੀ. ਈ. ਓ. ਨੇ ਕਿਹਾ ਕਿ ਉਨ੍ਹਾਂ ਨੇ 2025 ਦੇ ਸ਼ੁਰੂ ਵਿਚ ਟੇਕਓਵਰ ਨੂੰ ਪੂਰਾ ਕਰਨ ਦਾ ਟੀਚਾ ਰੱਖਿਆ ਹੈ। ਕੈਨੇਡੀਅਨ ਵੈਸਟਰਨ ਬੈਂਕ ਦੀ ਸਥਾਪਨਾ 1984 ਵਿਚ ਹੋਈ ਸੀ, ਇਸ ਦੀਆਂ ਕੈਨੇਡਾ ਵਿਚ 39 ਬਰਾਂਚਾਂ ਅਤੇ ਕਰੀਬ 65,000 ਕਲਾਇੰਟਸ ਹਨ।

ਇਸ ਦੀਆਂ ਜ਼ਿਆਦਾਤਰ ਬਰਾਨਚੇਜ਼ ਅਲਬਰਟਾ ਅਤੇ ਬ੍ਰਿਟਿਸ਼ ਕੋਲੰਬੀਆ ਵਿਚ ਹਨ। ਹਾਲ ਹੀ ਵਿਚ ਬੈਂਕ ਨੇ ਓਨਟਾਰੀਓ ਵਿਚ ਵੀ ਆਪਣਾ ਵਿਸਥਾਰ ਕੀਤਾ ਹੈ। ਮੈਨੀਟੋਬਾ ਵਿਚ ਕੈਨੇਡੀਅਨ ਵੈਸਟਰਨ ਬੈਂਕ ਦੀ ਬਰਾਂਚ ਵਿਨੀਪੈਗ ਵਿਚ ਹੈ।