20.79C Vancouver 20.79C VancouverMay 26, 2022 7:29 PM - The Canadian Press
ਅਮਰੀਕਾ ਦੇ ਵਿੱਚ ਨੈਸ਼ਨਲ ਰਾਈਫਲ ਐਸੋਸੀਏਸ਼ਨ ਵੱਲੋਂ ਇਸ ਸਾਲ ਦੀ ਸਾਲਾਨਾ ਬੈਠਕ ਨੂੰ ਹੂਸਟਨ 'ਚ ਕਰਵਾਇਆ ਜਾ ਰਿਹਾ ਹੈ।
ਟੈਕਸਸ ਦੇ ਉਵਾਲਡੀ 'ਚ ਮਾਸ ਸ਼ੂਟਿੰਗ ਦੀ ਘਟਨਾ ਦੇ ਬਾਵਜੂਦ ਇਹ ਬੈਠਕ ਕਰਵਾਈ ਜਾ ਰਹੀ ਹੈ।
ਐਸੋਸੀਏਸ਼ਨ ਨੇ ਇੱਕ ਬਿਆਨ ਜਾਰੀ ਕਰ ਸਪਸ਼ਟ ਕੀਤਾ ਹੈ ਕਿ ਈਵੈਂਟ ਸਮੇਂਸੀਮਾ ਅਨੁਸਾਰ ਅੱਗੇ ਵਧੇਗਾ।
ਇਸੇ ਬਿਆਨ 'ਚ ਆਖਿਆ ਗਿਆ ਹੈ ਕਿ ਉਵਾਲਡੀ 'ਚ ਵਾਪਰੀ ਸ਼ੂਟਿੰਗ ਦੀ ਵਾਰਦਾਤ ਇੱਕ ਅਪਰਾਧੀ ਨਾਲ ਜੁੜੀ ਨਿਵੇਕਲੀ ਘਟਨਾ ਸੀ।
ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਸਕੂਲਾਂ ਨੂੰ ਵਧੇਰੇ ਸੁਰੱਖਿਅਤ ਬਣਾਉਣ ਦੀ ਲੋੜ ਹੈ।
ਯਾਦ ਰਹੇ ਇੱਕ ਬੰਦੂਕਧਾਰੀ ਵੱਲੋਂ ਰੌਬ ਐਲੀਮੈਂਟਰੀ ਸਕੂਲ 'ਚ ਦਾਖਿਲ ਹੋ ਕੇ ਕੀਤੀ ਗਈ ਸ਼ੂਟਿੰਗ ਦੌਰਾਨ 19 ਬੱਚਿਆਂ ਅਤੇ 2 ਅਧਿਆਪਕਾਂ ਦੀ ਮੌਤ ਹੋ ਗਈ ਸੀ।
ਘਟਨਾ ਮੰਗਲਵਾਰ ਨੂੰ ਵਾਪਰੀ ਸੀ।
