9.83C Vancouver 9.83C VancouverMar 16, 2022 7:23 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਨੈਟੋ ਵੱਲੋਂ ਲਗਾਤਾਰ ਅਜਿਹੇ ਢੰਗ-ਤਰੀਕਿਆਂ ਦਾ ਧਿਆਨ ਰੱਖਿਆ ਜਾ ਰਿਹਾ ਹੈ ਜਿਸ ਨਾਲ ਯੂਕਰੇਨ ਦੇ ਲੋਕਾਂ ਨੂੰ ਸਹਿਯੋਗ ਕੀਤਾ ਜਾ ਸਕੇ ਅਤੇ ਉਨ੍ਹਾਂ ਦਾ ਬਚਾਅ ਕੀਤਾ ਜਾ ਸਕੇ।
ਟਰੂਡੋ ਨੇ ਕਿਹਾ ਕਿ ਇਸ ਦੇ ਨਾਲ ਹੀ ਨੈਟੋ ਇਹ ਵੀ ਗੌਰ ਕਰ ਰਿਹਾ ਹੈ ਕਿ ਇਸ ਜੰਗ ਨੂੰ ਵਧਣ ਅਤੇ ਹੋਰ ਥਾਵਾਂ ਤਕ ਪਹੁੰਚਣ ਤੋਂ ਬਚਾਅ ਕੀਤਾ ਜਾ ਸਕੇ।
ਉਨ੍ਹਾਂ ਕਿਹਾ ਕਿ ਅਜਿਹੇ 'ਚ ਕੁਝ ਨਿਰਾਸ਼ ਕਰਨ ਵਾਲੇ ਫੈਸਲੇ ਲੈਣੇ ਪੈ ਰਹੇ ਹਨ ਜਿਸ 'ਚ ਯੂਕਰੇਨ ਦੀ 'ਨੋ ਫਲਾਈ ਜੋਨ' ਦੀ ਮੰਗ ਨੂੰ ਠੁਕਰਾਉਣਾ ਵੀ ਸ਼ਾਮਿਲ ਹੈ।
ਟਰੂਡੋ ਨੇ ਕਿਹਾ ਕਿ ਕੈਨੇਡਾ ਵੱਲੋਂ ਯੂਕਰੇਨ ਤਕ ਬਿਹਤਰ ਤੋਂ ਬਿਹਤਰ ਹਥਿਆਰ ਪਹੁੰਚਾਏ ਜਾ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਇਸ ਦੇ ਨਾਲ ਹੀ ਹਿਉਮੈਨੀਟੇਰੀਅਨ ਅਤੇ ਰੈਫਿਊਜੀ ਸਹਿਯੋਗ ਵੀ ਪ੍ਰਦਾਨ ਕੀਤਾ ਜਾ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਅਗਲੇ ਹਫ਼ਤੇ ਉਹ ਨੈਟੋ ਬੈਠਕ 'ਚ ਸ਼ਾਮਿਲ ਹੋਣ ਲਈ ਬ੍ਰਸਲਸ ਪਹੁੰਚ ਰਹੇ ਹਨ ਅਤੇ ਉਸ ਮੌਕੇ ਵੀ ਇਸ ਸੰਬੰਧੀ ਵਧੇਰੇ ਚਰਚਾ ਕੀਤੀ ਜਾਵੇਗੀ।
