29.46C Vancouver 29.46C VancouverDec 23, 2020 9:37 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਔਟਵਾ ਤੋਂ ਦੇਸ਼ ਨੂੰ ਸੰਬੋਧਨ ਕੀਤਾ ਹੈ।
ਇਸ ਦੌਰਾਨ ਪ੍ਰਧਾਨ ਮੰਤਰੀ ਟਰੂਡੋ ਨੇ ਰਾਇਲ ਕਨੇਡੀਅਨ ਨੇਵੀ ਕਮਾਂਡਰ, ਵਾਈਸ ਐਡਮਿਰਲ ਆਰਟ ਮੈਕਡੌਨਲਡ ਨੂੰ ਕਨੇਡੀਅਨ ਆਰਮਡ ਫੋਰਸਿਸ ਦਾ ਨਵਾਂ ਮੁਖੀ ਐਲਾਨ ਦਿੱਤਾ ਹੈ।
ਕਈ ਮਹੀਨੇ ਤੋਂ ਕਿਆਸ ਲਗਾਏ ਜਾ ਰਹੇ ਸਨ ਕਿ ਜਨਰਲ ਜੋਨਾਥਨ ਵੈਂਸ ਦੀ ਜਗ੍ਹਾ, ਕੌਣ ਕੈਨੇਡਾ ਦਾ 'ਚੀਫ਼ ਆਫ ਡਿਫੈਂਸ ਸਟਾਫ਼' ਬਣੇਗਾ।
ਅੱਜ ਦੇ ਟਰੂਡੋ ਦੇ ਐਲਾਨ ਨਾਲ ਇਹਨਾਂ ਕਿਆਸਰਾਈਆਂ ਦਾ ਅੰਤ ਹੋ ਗਿਆ ਹੈ।
ਜੂਨ 2019 ਤੋਂ ਮੈਕਡੌਨਲਡ, ਨੇਵੀ ਦੇ ਕਮਾਂਡਰ ਦੀ ਭੂਮਿਕਾ ਨਿਭਾਉਂਦੇ ਰਹੇ ਹਨ।
ਟਰੂਡੋ ਨੇ ਦੱਸਿਆ ਕਿ ਕੋਵਿਡ-19 ਵੈਕਸੀਨ ਦੇ ਰੋਲਆਊਟ 'ਚ ਕਨੇਡੀਅਨ ਆਰਮਡ ਫੋਰਸਿਸ ਦੀ ਭੂਮਿਕਾ 'ਤੇ ਮੈਕਡੌਨਲਡ ਦੀ ਨਜ਼ਰ ਰਹੇਗੀ।
