ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਟਰੂਡੋ ਤੋਂ ਅਸਤੀਫੇ ਦੀ ਕੀਤੀ ਮੰਗ

ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਪੀ.ਐੱਮ. ਜਸਟਿਨ ਟਰੂਡੋ ਤੋਂ ਅਸਤੀਫੇ ਦੀ ਮੰਗ ਕੀਤੀ ਹੈ। ਹਾਊਸ ਆਫ ਕੌਮਨਜ਼ ਵਿਚ ਬੋਲਦੇ ਉਨ੍ਹਾਂ ਕਿਹਾ ਕਿ ਕੈਨੇਡੀਅਨ ਗ੍ਰੋਸਰੀ ਅਫੌਰਡ ਨਹੀਂ ਕਰ ਪਾ ਰਹੇ ਨਾ ਹੀ ਉਹ ਆਪਣਾ ਘਰ ਖਰੀਦ ਪਾ ਰਹੇ ਹਨ।

ਜਗਮੀਤ ਸਿੰਘ ਨੇ ਕਿਹਾ ਕਿ ਟਰੰਪ ਕੈਨੇਡਾ ਵਿਚ ਹਜ਼ਾਰਾਂ ਨੌਕਰੀਆਂ ਲਈ ਖ਼ਤਰਾ ਪੈਦਾ ਕਰ ਰਹੇ ਹਨ, ਦੂਜੇ ਪਾਸੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਖੁਦ 'ਤੇ ਫੋਕਸ ਕਰ ਰਹੇ ਹਨ। ਜਗਮੀਤ ਸਿੰਘ ਨੇ ਕਿਹਾ ਕਿ ਪ੍ਰਧਾਨ ਇਸ ਅਹੁਦੇ 'ਤੇ ਬਣੇ ਨਹੀਂ ਰਹਿ ਸਕਦੇ, ਕੀ ਉਹ ਅਸਤੀਫਾ ਦੇਣਗੇ।

ਗੌਰਤਲਬ ਹੈ ਕਿ ਸਦਨ ਵਿਚ ਇਹ ਪਹਿਲੀ ਵਾਰ ਹੈ ਜਦੋਂ ਜਗਮੀਤ ਸਿੰਘ ਨੇ ਸਿੱਧੇ ਟਰੂਡੋ ਤੋਂ ਅਸਤੀਫਾ ਮੰਗਿਆ ਹੈ। ਓਧਰ, ਬਲਾਕ ਕਿਊਬੇਕੋਇਸ ਅਤੇ ਕੰਜ਼ਰਵੇਟਿਵ ਨੇ ਤੁਰੰਤ ਇਲੈਕਸ਼ਨ ਕਰਵਾਏ ਜਾਣ ਦੀ ਮੰਗ ਕੀਤੀ ਹੈ।

ਪੌਲੀਐਵ ਨੇ ਕਿਹਾ ਕਿ ਟਰੂਡੋ ਫਾਲ ਇਕਨੋਮਿਕ ਅਪਡੇਟ ਮਗਰੋਂ ਇਸ 'ਤੇ ਨੌਨ ਕੌਨਫੀਡੈਂਸ ਵਜੋਂ ਵੋਟ ਕਰਵਾਉਣ ਦੀ ਹਿੰਮਤ ਦਿਖਾਉਣ। ਦੱਸ ਦੇਈਏ ਕਿ ਟਰੂਡੋ ਉਸ ਸਮੇਂ ਸਦਨ ਵਿਚ ਮੌਜੂਦ ਨਹੀਂ ਸਨ। ਵਿਰੋਧੀ ਧਿਰਾਂ ਦੇ ਸਵਾਲਾਂ ਦੇ ਜਵਾਬ ਸਰਕਾਰੀ ਹਾਊਸ ਲੀਡਰ ਕਰੀਨਾ ਗੋਲਡ ਵਲੋਂ ਦਿੱਤੇ ਜਾ ਰਹੇ ਸਨ।