12.62C Vancouver 12.62C VancouverSep 4, 2024 5:13 PM - The Canadian Press
ਐੱਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਲਿਬਰਲ ਸਰਕਾਰ ਨਾਲ ਕੀਤੇ ਗਏ ਸਪਲਾਈ ਅਤੇ ਵਿਸ਼ਵਾਸ ਸਮਝੌਤੇ ਨੂੰ ਖਤਮ ਕਰਨ ਦਾ ਐਲਾਨ ਕੀਤਾ ਹੈ। ਇਹ ਸਮਝੌਤਾ ਜੂਨ 2025 ਤੱਕ ਚੱਲਣਾ ਸੀ। ਲਿਬਰਲਸ ਤੋਂ ਸਮਰਥਨ ਵਾਪਸ ਲਏ ਜਾਣ ਨਾਲ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਘੱਟ ਗਿਣਤੀ ਸਰਕਾਰ ਹੁਣ ਆਉਣ ਵਾਲੇ ਹਫ਼ਤਿਆਂ ਜਾਂ ਮਹੀਨਿਆਂ ਵਿਚ ਕਦੇ ਵੀ ਡਿੱਗਣ ਦਾ ਖਤਰਾ ਹੈ।
ਲਿਬਰਲਸ ਨੂੰ ਸਰਕਾਰ ਵਿਚ ਬਣੇ ਰਹਿਣ ਲਈ ਹੁਣ ਸੰਸਦ ਵਿਚ ਬਹੁਮਤ ਸਾਬਤ ਕਰਨਾ ਹੋਵੇਗਾ ਜੇ ਪਾਰਟੀ ਭਰੋਸੇ ਦੀਆਂ ਵੋਟਾਂ ਵਿਚ ਹਾਰ ਜਾਂਦੀ ਹੈ ਤਾਂ ਇਸ ਪਤਝੜ ਵਿਚ ਅਚਾਨਕ ਇਲੈਕਸ਼ਨ ਹੋ ਸਕਦੇ ਹਨ।
ਜਗਮੀਤ ਸਿੰਘ ਨੇ ਇੱਕ ਵੀਡੀਓ ਪੋਸਟ ਵਿਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ’ਤੇ ਵਰ੍ਹਦੇ ਕਿਹਾ ਕਿ ਟਰੂਡੋ ਨੇ ਵਾਰ-ਵਾਰ ਸਾਬਤ ਕਰ ਦਿੱਤਾ ਹੈ ਕਿ ਉਹ ਹਮੇਸ਼ਾ ਕਾਰਪੋਰੇਟ ਲਾਲਚ ਦੇ ਅੱਗੇ ਇਸੇ ਤਰ੍ਹਾਂ ਝੁਕਣਗੇ। ਸਿੰਘ ਨੇ ਕਿਹਾ ਕਿ ਲਿਬਰਲਸ ਨੇ ਲੋਕਾਂ ਨੂੰ ਨਿਰਾਸ਼ ਕੀਤਾ ਹੈ। ਹੁਣ ਕੈਨੇਡੀਅਨ ਤੋਂ ਇੱਕ ਹੋਰ ਮੌਕਾ ਪਾਉਣ ਦੇ ਲਾਇਕ ਨਹੀਂ ਹੈ।
ਇਸ ਦੇ ਨਾਲ ਹੀ ਜਗਮੀਤ ਸਿੰਘ ਨੇ ਕਿਹਾ ਕਿ ਅੱਗੇ ਇਸ ਤੋਂ ਵੀ ਵੱਡੀ ਲੜਾਈ ਹੈ, ਜੋ ਪੀਅਰੇ ਪੋਲੀਵਰੇ ਖਿਲਾਫ ਹੈ। ਉਨ੍ਹਾਂ ਇਲਜ਼ਾਮ ਲਗਾਇਆ ਕਿ ਕੰਜ਼ਰਵੇਟਿਵ ਪਾਰਟੀ ਵਰਕਰ ਤੋਂ ਲੈ ਕੇ ਸੇਵਾਮੁਕਤ ਅਤੇ ਮਰੀਜ਼ਾਂ ਤੋਂ ਲੈ ਕੇ ਪਰਿਵਾਰਾਂ ਤੱਕ ਦੇ ਬੈਨੇਫਿਟਸ ਘਟਾ ਕੇ ਵੱਡੀਆਂ ਕੰਪਨੀਆਂ ਅਤੇ ਅਮੀਰ ਸੀ. ਈ. ਓਜ਼. ਦੀਆਂ ਜੇਬਾਂ ਭਰਨਾ ਚਾਹੁੰਦੀ ਹੈ।
