11.53C Vancouver 11.53C VancouverApr 9, 2025 6:03 PM - Connect Newsroom
ਐਨ.ਡੀ.ਪੀ.ਲੀਡਰ ਜਗਮੀਤ ਸਿੰਘ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਸਰਕਾਰ ਬਣਨ 'ਤੇ ਫਾਰਮਾਕੇਅਰ ਨੂੰ ਪੂਰੀ ਤਰ੍ਹਾਂ ਲਾਗੂ ਕਰ ਦਿੱਤਾ ਜਾਵੇਗਾ। ਜਗਮੀਤ ਸਿੰਘ ਨੇ ਕਿਹਾ ਕਿ ਐੱਨ. ਡੀ. ਪੀ. ਸਰਕਾਰ 100 ਸਭ ਤੋਂ ਵੱਧ ਨਿਰਧਾਰਤ ਦਵਾਈਆਂ ਨਾਲ ਫਾਰਮਾਕੇਅਰ ਦਾ ਵਿਸਥਾਰ ਕਰੇਗੀ, ਜਿਸ ਵਿਚ ਦਰਦ ਦੀਆਂ ਦਵਾਈਆਂ ਦੇ ਨਾਲ-ਨਾਲ ਐਂਟੀਬਾਇਓਟਿਕਸ ਅਤੇ ਹੋਰ ਜ਼ਰੂਰੀ ਦਵਾਈਆਂ ਸ਼ਾਮਲ ਹੋਣਗੀਆਂ ਅਤੇ ਲੋਕਾਂ ਨੂੰ ਜੇਬ ਤੋਂ ਖ਼ਰਚ ਕਰਨ ਦੀ ਲੋੜ ਨਹੀਂ ਹੋਵੇਗੀ।
ਗੌਰਤਲਬ ਹੈ ਕਿ ਜਗਮੀਤ ਸਿੰਘ ਅੱਜ ਸਵੇਰੇ ਵੈਨਕੂਵਰ ਵਿਚ ਸਨ, ਜਿੱਥੇ ਉਨ੍ਹਾਂ ਵਲੋਂ ਵੈਨਕੂਵਰ-ਕਿੰਗਸਵੇ ਦੇ ਐੱਨ. ਡੀ. ਪੀ. ਉਮੀਦਵਾਰ ਲਈ ਸਮਰਥਨ ਮੰਗਿਆ ਗਿਆ।
ਉਨ੍ਹਾਂ ਕਿਹਾ ਕਿ ਜਦੋਂ ਐੱਨ.ਡੀ.ਪੀ. ਪਿਛਲੀ ਘੱਟ ਗਿਣਤੀ ਸਰਕਾਰ ਵਿਚ ਸੀ ਤਾਂ ਉਨ੍ਹਾਂ ਨੇ ਫਾਰਮਾਕੇਅਰ, ਡੈਂਟਲ ਕੇਅਰ ਵਰਗੇ ਪ੍ਰੋਗਰਾਮ ਲਿਆਂਦੇ ਅਤੇ ਜੇ ਲੋਕ ਇਸ ਵਾਰ ਐੱਨ. ਡੀ. ਪੀ. ਨੂੰ ਲੋੜੀਂਦਾ ਫਤਵਾ ਦੇਣਗੇ ਤਾਂ ਉਹ ਕੈਨੇਡੀਅਨਾਂ ਲਈ ਹੋਰ ਵੀ ਬਿਹਤਰ ਕੰਮ ਕਰਕੇ ਦਿਖਾਉਣਗੇ।
