14.6C Vancouver 14.6C VancouverMay 8, 2024 5:54 PM - The Canadian Press
ਕੈਨੇਡੀਅਨਾਂ ਨੂੰ ਗ੍ਰੋਸਰੀ ਕੀਮਤਾਂ ’ਤੇ ਝੱਲਣੇ ਪੈ ਰਹੇ ਬੋਝ ਵਿਚਕਾਰ ਖੁਲਾਸਾ ਹੋਇਆ ਹੈ ਕਿ ਕੋਸਟਕੋ ਅਤੇ ਲੋਬਲਾ ਨੂੰ ਊਰਜਾ-ਕੁਸ਼ਲ ਉਪਕਰਨਾਂ ਲਈ ਟਰੂਡੋ ਸਰਕਾਰ ਵਲੋਂ ਕਰੀਬ $26 ਮਿਲੀਅਨ ਦੀ ਮਦਦ ਦਿੱਤੀ ਗਈ ਹੈ।
ਇਸ ਮਾਮਲੇ ਵਿਚ ਲਿਬਰਲ ਸਰਕਾਰ ’ਤੇ ਤਾਜ਼ਾ ਹਮਲਾ ਉਨ੍ਹਾਂ ਨੂੰ ਸਪੋਰਟ ਦੇ ਰਹੀ ਐੱਨ.ਡੀ.ਪੀ. ਦੇ ਲੀਡਰ ਜਗਮੀਤ ਸਿੰਘ ਨੇ ਬੋਲਿਆ ਹੈ। ਲਿਬਰਲ ਨੇ 2019 ਵਿਚ ਲੋਬਲਾ ਨੂੰ ਊਰਜਾ-ਕੁਸ਼ਲ ਉਪਕਰਨਾਂ ਅਤੇ ਫ੍ਰੀਜ਼ਰ ਲਈ $12 ਮਿਲੀਅਨ ਦਿੱਤੇ ਸਨ। ਕੰਜ਼ਰਵੇਟਿਵ ਨੇ ਇਸ ਦਾ ਵਿਰੋਧ ਕੀਤਾ ਸੀ। ਹੁਣ ਐਨਵਾਇਰਮੈਂਟ ਐਂਡ ਕਲਾਈਮੇਟ ਚੇਂਜ ਡਿਪਾਰਟਮੈਂਟ ਵਲੋਂ ਜਾਰੀ ਅੰਕੜਿਆਂ ਤੋਂ ਪਤਾ ਲੱਗਾ ਹੈ ਕਿ ਸਰਕਾਰ ਵਲੋਂ ਕੋਸਟਕੋ ਨੂੰ ਵੀ ਨਿਕਾਸੀ ਵਿਚ ਕਟੌਤੀ ਕਰਨ ਅਤੇ ਫ੍ਰੀਜ਼ਰ ਲਈ $15 ਮਿਲੀਅਨ ਤੋਂ ਵੱਧ ਦੀ ਮਦਦ ਦਿੱਤੀ ਗਈ ਸੀ।
ਦੋਵੇਂ ਕਰਿਆਨੇ ਦੀਆਂ ਚੇਨਾਂ ਨੂੰ ਇਹ ਪੇਮੈਂਟਸ 2019 ਅਤੇ 2023 ਵਿਚ ਕੀਤੀਆਂ ਗਈਆਂ ਸਨ। ਜਗਮੀਤ ਸਿੰਘ ਨੇ ਕਿਹਾ ਕਿ ਲੋਕ ਜਿੱਥੇ ਕਰਿਆਨਾ ਖਰੀਦਣ ਲਈ ਹੱਥ ਘੁੱਟ ਰਹੇ ਹਨ, ਉਥੇ ਹੀ ਲਿਬਰਲਸ ਦਾ ਪੂਰਾ ਜ਼ੋਰ ਇਸ ਗੱਲ ’ਤੇ ਹੈ ਕਿਕਰਿਆਨੇ ਦੀਆਂ ਚੇਨਾਂ ਨੂੰ ਹੋਰ ਕਿੰਨੇ ਮਿਲੀਅਨ ਡਾਲਰ ਦੇਣੇ ਹਨ।
