15.08C Vancouver 15.08C VancouverJan 30, 2025 4:54 PM - The Canadian Press
ਐਨ.ਡੀ.ਪੀ. ਲੀਡਰ ਜਗਮੀਤ ਸਿੰਘ ਨੇ ਟਰੰਪ ਦੇ ਟੈਰਿਫ ਦੀ ਧਮਕੀ ਵਿਚਕਾਰ ਲਿਬਰਲ ਸਰਕਾਰ ਨੂੰ ਮਾਰਚ ਵਿਚ ਡੇਗਣ ਦੀ ਘੋਸ਼ਣਾ ਕੀਤੀ ਹੈ। ਓਨਟਾਰੀਓ ਵਿਚ ਪ੍ਰੈੱਸ ਕਾਨਫਰੰਸ ਦੌਰਾਨ ਉਨ੍ਹਾਂ ਕਿਹਾ ਕਿ ਲਿਬਰਲਸ ਸਹਿਯੋਗੀ ਕਰਮਚਾਰੀਆਂ ਲਈ ਰਾਹਤ ਪੈਕੇਜ ਪਾਸ ਕਰਨ ਲਈ ਪਾਰਲੀਮੈਂਟ ਦੀ ਸੀਟਿੰਗ ਜਲਦ ਬੁਲਾਵੇ ਕਿਉਂਕਿ ਐੱਨ.ਡੀ.ਪੀ. ਸਪਰਿੰਗ ਵਿਚ ਇਲੈਕਸ਼ਨ ਲਈ ਮਾਰਚ ਵਿਚ ਸਰਕਾਰ ਨੂੰ ਡੇਗਣ ਲਈ ਵੋਟਿੰਗ ਕਰਨ ਜਾ ਰਹੀ ਹੈ।
ਓਨਟਾਰੀਓ ਦੇ ਸੌਲਟ ਸਟੀ. ਮੈਰੀ ਵਿਚ ਪੱਤਰਕਾਰਾਂ ਨਾਲ ਗੱਲ ਕਰਦੇ ਜਗਮੀਤ ਸਿੰਘ ਨੇ ਇਹ ਵੀ ਮੰਗ ਕੀਤੀ ਜੇ ਟਰੰਪ ਟੈਰਿਫ ਲਗਾਉਂਦੇ ਹਨ ਤਾਂ ਕੈਨੇਡਾ ਨੂੰ ਅਮਰੀਕੀ ਕੰਪਨੀਆਂ ਨੂੰ ਸਾਰੇ ਸਰਕਾਰੀ ਠੇਕਿਆਂ ਤੋਂ ਬੈਨ ਕਰ ਦੇਣਾ ਚਾਹੀਦਾ ਹੈ।
ਗੌਰਤਲਬ ਹੈ ਕਿ ਕੈਨੇਡਾ ਦੀ ਸੰਸਦ ਦੀ ਕਾਰਵਾਈ 24 ਮਾਰਚ ਤੱਕ ਸਸਪੈਂਡ ਹੈ, ਪੀ. ਐੱਮ. ਜਸਟਿਨ ਟਰੂਡੋ ਨੇ 6 ਜਨਵਰੀ ਨੂੰ ਆਪਣੇ ਅਸਤੀਫਾ ਦਾ ਐਲਾਨ ਕਰਦੇ ਹੋਏ ਗਵਰਨਰ ਜਨਰਲ ਤੋਂ ਸੰਸਦ ਨੂੰ ਮੁਲਤਵੀ ਕਰਨ ਦੀ ਮਨਜ਼ੂਰੀ ਲਈ ਸੀ।
