ਕੈਨੇਡਾ ਦੀ ਫੈਡਰਲ ਐਨ.ਡੀ.ਪੀ. ਦੇ ਨਵੇਂ ਲੀਡਰ ਦੀ ਚੋਣ ਪ੍ਰਕਿਰਿਆ ਸ਼ੁਰੂ, 29 ਮਾਰਚ ਨੂੰ ਹੋਵੇਗਾ ਐਲਾਨ

ਕੈਨੇਡਾ ਦੀ ਫੈਡਰਲ ਐਨ.ਡੀ.ਪੀ. ਦੇ ਨਵੇਂ ਲੀਡਰ ਦੀ ਚੋਣ ਲਈ ਅੱਜ ਤੋਂ ਵੋਟਿੰਗ ਪ੍ਰਕਿਰਿਆ ਅਧਿਕਾਰਤ ਤੌਰ 'ਤੇ ਸ਼ੁਰੂ ਹੋ ਗਈ ਹੈ।ਜਗਮੀਤ ਸਿੰਘ ਦੇ ਅਸਤੀਫੇ ਤੋਂ ਬਾਅਦ ਖਾਲੀ ਹੋਈ ਇਸ ਸੀਟ ਲਈ ਪਾਰਟੀ ਦੇ ਲਗਭਗ 1,00,000 ਮੈਂਬਰਸ ਔਨਲਾਈਨ ਅਤੇ ਡਾਕ ਰਾਹੀਂ ਆਪਣੀ ਵੋਟ ਪਾਉਣਗੇ। ​ਇਸ ਦੌੜ ਵਿਚ ਪੰਜ ਪ੍ਰਮੁੱਖ ਉਮੀਦਵਾਰ ਆਪਣੀ ਕਿਸਮਤ ਅਜ਼ਮਾ ਰਹੇ ਹਨ।

ਐਡਮਿੰਟਨ ਸਟ੍ਰੈਥਕੋਨਾ ਤੋਂ ਐਮਪੀ ਹੀਥਰ ਮੈਕਫਰਸਨ ਇਸ ਦੌੜ ਵਿਚ ਮੌਜੂਦਾ ਐਮ.ਪੀ. ਵਜੋਂ ਇਕਲੌਤਾ ਚਿਹਰਾ ਹਨ। ਹੋਰ ਉਮੀਦਵਾਰਾਂ ਵਿਚ ਰੌਬ ਐਸ਼ਟਨ ਇੱਕ ਡੌਕ ਵਰਕਰ ਅਤੇ ਲੇਬਰ ਯੂਨੀਅਨ ਲੀਡਰ ਹਨ। ਐਵੀ ਲੇਵਿਸ ਇੱਕ ਕਾਰਕੁੰਨ ਅਤੇ ਦਸਤਾਵੇਜ਼ੀ ਫਿਲਮ ਨਿਰਮਾਤਾ ਹਨ, ਜੋ ਕਿ ਪਾਰਟੀ ਦੇ ਪੁਰਾਣੇ ਦਿੱਗਜ ਪਰਿਵਾਰ ਨਾਲ ਸਬੰਧ ਰੱਖਦੇ ਹਨ। ਉਨ੍ਹਾਂ ਦੇ ਦਾਦਾ 1970 ਦੇ ਦਹਾਕੇ ਵਿਚ ਫੈਡਰਲ ਐਨ.ਡੀ.ਪੀ. ਲੀਡਸ ਸਨ ਅਤੇ ਉਨ੍ਹਾਂ ਦੇ ਪਿਤਾ ਨੇ ਓਨਟਾਰੀਓ ਐਨ.ਡੀ.ਪੀ.ਨੂੰ ਲੀਡ ਕੀਤਾ ਸੀ। ਉਨ੍ਹਾਂ ਤੋਂ ਇਲਾਵਾ ਟੈਨਿਲੇ ਜੌਹਨਸਟਨ ਇਹ ਚੋਣ ਲੜਨ ਵਾਲੀ ਪਹਿਲੀ ਇੰਡੀਜਨਸ ਮਹਿਲਾ ਉਮੀਦਵਾਰ ਹੈ।

ਗੌਰਤਲਬ ਹੈ ਕਿ ਐਨ.ਡੀ.ਪੀ. ਲਈ ਇਹ ਲੀਡਰਸ਼ਿਪ ਰੇਸ ਬਹੁਤ ਅਹਿਮ ਹੈ ਕਿਉਂਕਿ ਪਾਰਟੀ ਪਿਛਲੀਆਂ ਫੈਡਰਲ ਚੋਣਾਂ ਵਿਚ ਹੋਏ ਨੁਕਸਾਨ ਤੋਂ ਬਾਅਦ ਮੁੜ ਆਪਣੇ ਪੈਰਾਂ ਸਿਰ ਹੋਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਮੌਜੂਦਾ ਸਮੇਂ ਡੌਨ ਡੇਵਿਸ ਅੰਤਰਿਮ ਲੀਡਰ ਵਜੋਂ ਸੇਵਾਵਾਂ ਨਿਭਾ ਰਹੇ ਹਨ ਅਤੇ ਨਵੇਂ ਲੀਡਰ ਦੇ ਨਾਂ ਦਾ ਐਲਾਨ 29 ਮਾਰਚ ਨੂੰ ਕੀਤਾ ਜਾਵੇਗਾ।