15.25C Vancouver 15.25C VancouverSep 1, 2020 5:30 PM -
ਫੈਡਰਲ ਨਿਊ ਡੈਮੋਕਰੇਟਸ ਹੁਣ ਆਪਣੇ ਨਿਸ਼ਾਨੇ ਯੂਥ ਮਿਨਿਸਟਰ ਬਰਦੀਸ਼ ਚੱਗੜ ਵੱਲ ਸਾਧ ਰਹੇ ਹਨ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਕਈ ਮਿਲੀਅਨ ਡੌਲਰ ਦੇ 'ਵੀ ਚੈਰਿਟੀ' ਦੇ ਸਟੂਡੈਂਟ ਵੋਲੰਟੀਅਰ ਪ੍ਰੋਗਰਾਮ ਲੈਕੇ ਲਿਬਰਲ ਸਰਕਾਰ ਦੇ ਕੁਝ ਅਹਿਮ ਫੈਸਲਿਆਂ ਵਿਚ ਉਨ੍ਹਾਂ ਦਾ ਮੁੱਖ ਹੱਥ ਸੀ।
ਐਨ.ਡੀ.ਪੀ. ਐਥਿਕਸ ਕ੍ਰੀਟਿਕ ਚਾਰਲੀ ਐਂਗਸ ਦਾ ਕਹਿਣਾ ਹੈ ਕਿ ਪਿਛਲੇ ਮਹੀਨੇ ਜਾਰੀ ਕੀਤੇ ਗਏ ਸਰਕਾਰੀ ਦਸਤਾਵੇਜ਼ ਦਰਸ਼ਾਉਂਦੇ ਹਨ ਕਿ ਫੈਡਰਲ ਅਧਿਕਾਰੀਆਂ ਦਾ 'ਵੀ' ਦੇ ਨਾਲ ਸੰਪਰਕ ਕਰਵਾਉਣ ਵਿਚ ਅਤੇ ਇਸ ਕੈਨੇਡਾ ਸਟੂਡੈਂਟ ਸਰਵਿਸਸ ਗ੍ਰਾਂਟ ਪ੍ਰੋਗਰਾਮ ਵਾਸਤੇ ਚੱਗੜ ਨੇ ਇੱਕ ਅਹਿਮ ਭੂਮਿਕਾ ਨਿਭਾਈ ਸੀ।
ਸਰਕਾਰ ਦੁਆਰਾ ਇਸ ਗੱਲ ਤੇ ਜ਼ੋਰ ਦਿੱਤਾ ਗਿਆ ਸੀ, ਕਿ ਇਸ ਲਈ ਫੈਡਰਲ ਬਿਊਰੋਕਰੈਟਸ ਜ਼ਿੰਮੇਵਾਰ ਸਨ।
ਪਰ ਐਂਗਸ ਦਾ ਕਹਿਣਾ ਹੈ ਕਿ ਜਾਰੀ ਕੀਤੇ ਗਏ ਦਸਤਾਵੇਜ਼ ਇਸ ਗੱਲ ਦੀ ਗਵਾਹੀ ਨਹੀਂ ਭਰਦੇ ਅਤੇ ਜੁਲਾਈ ਵਿਚ ਕੌਮਨਜ਼ ਕਮੇਟੀ ਸਾਹਮਣੇ ਬਰਦੀਸ਼ ਚੱਗੜ ਦੀ ਆਪਣੀ ਗਵਾਹੀ ਦੇ ਵੀ ਖਿਲਾਫ਼ ਹਨ।
ਐਂਗਸ ਦਾ ਕਹਿਣਾ ਹੈ ਕਿ ਉਹ ਨਹੀਂ ਸਮਝ ਪਾ ਰਹੇ ਕਿ ਚੱਗੜ ਕਿਸ ਤਰ੍ਹਾਂ ਕੈਬੀਨੇਟ ਵਿਚ ਆਪਣਾ ਕੰਮ ਜਾਰੀ ਰੱਖ ਰਹੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਸਰਕਾਰ ਨੂੰ ਗ੍ਰਾਂਟ ਪ੍ਰੋਗਰਾਮ ਲਈ ਅਲੱਗ ਰੱਖਿਆ ਗਿਆ ਪੈਸਾ, ਵਿਦਿਆਰਥੀ ਕਰਜ਼ਿਆਂ ਨੂੰ ਅਦਾ ਕਰਨ ਵਿਚ ਸਹਾਇਤਾ ਲਈ ਵਰਤਣਾ ਚਾਹੀਦਾ ਹੈ।
ਉਨ੍ਹਾਂ ਦੁਆਰਾ ਲਿਬਰਲਜ਼ ਵੱਲੋਂ 23 ਸਿਤੰਬਰ ਨੂੰ ਆਪਣੀ ਥਰੋਨ ਸਪੀਚ ਦੇਣ ਦੇ ਮੌਕੇ ਉੱਤੇ ਐਨ.ਡੀ.ਪੀ ਦੁਆਰਾ ਸਮਰਥਨ ਦਿੱਤੇ ਜਾਣ ਨੂੰ ਲੈਕੇ ਵੀ ਸ਼ੰਕਾ ਜ਼ਾਹਿਰ ਕੀਤੀ ਗਈ ਹੈ।
ਐਂਗਸ ਦਾ ਕਹਿਣਾ ਹੈ ਕਿ ਪਾਰਟੀ ਲਿਬਰਲਜ਼ ਦੇ ਨਾਲ ਸਾਂਝੇ ਟੀਚਿਆਂ 'ਤੇ ਕੰਮ ਕਰਨ ਨੂੰ ਲੈਕੇ ਤਿਆਰ ਹੈ, ਪਰ ਦੇਖਣਾ ਹੋਵੇਗਾ ਕਿ ਲਿਬਰਲਜ਼ ਕਿੰਨ੍ਹਾ ਸਾਥ ਨਿਭਾਉਣਾ ਚਾਹੁੰਦੇ ਹਨ।
